Жаңартылған мазмұн – жаңаша бағыт

Апта соңында Президент жанын­дағы Орталық коммуни­кация­лар қызметінде Білім және ғылым вице-министрі Э.Суханбердиева­ның, Білім және ғылым министр­лігі Мек­тепке дейінгі және орта білім департаментінің дирек­­торы Ж.Жонтаеваның және Ы.Алтын­сарин атындағы Ұлттық білім ака­демиясының президенті Ж.Жыл­баевтың қатысуымен «12 жыл­дық білім беруді кезең-кезең­мен енгізу, функциялық сауат­тылықты дамыту үшін мек­тептегі оқыту стандарттарын жаңарту» тақы­рыбында брифинг өтті. «Министрлік «100 нақты қадам»: баршаға арналған қазіргі заманғы мемлекет» Ұлт Жоспарының 76, 79, 89-қадам­­­дарын және Білім мен ғылым­ды дамытудың 2016-2019 жыл­дарға арналған мем­лекеттік бағ­­дарламасын іске асыру мақ­сатында білім маз­мұнына кезең-кезеңімен көшу жұмыс­тарын бастады. Жаңа оқу жылы­нан бас­тап республика­ның бар­­лық мек­теп­теріне Назарбаев зият­­кер­­­лік мектептерінің тәжі­ри­бесі бо­йын­ша жаңартыл­ған білім маз­­мұ­ны 1-сыныптан бастап енгізі­ле­ді. Оқушылардың функция­лық сауаттылығын дамытуға бағыт­­­талған бұл жа­ңартылған мазмұн 30 қанатқақты мектепте сынамалаудан табыс­ты өтті. Жаңартылған білім мазмұны келесі кестеге сәйкес кезең-кезеңімен енгізіледі: биыл –1-сынып, 2017 жылы – 2,5,7- сыныптар, 2018 жылы – 3,6,8,10-сыныптар, 2019 жылы – 4,9,11,12-сыныптар, ал 2020 жылға қарай 12 жылдық құры­лыммен жаңартылған білім мазмұнына көшу барлық сыныптарда аяқталады», – деді вице-министр. Жиын соңында Э.Сухан­бер­диева үш тілде білім беруді дамы­тудың 2015-2020 жыл­дарға арналған Жол картасы шеңберінде үш тілде білім беруді енгізуге дайындық басталғанын атап өтті. Рауан ҚАЙДАР, «Егемен Қазақстан»