«Еуро-2016». Уэльс Ресейді ірі есеппен жеңді (видео)

Футболдан Еуропа чемпионатының В тобында өнер көрсететін Ресей мен Уэльс құрамалары Тулуза қаласында кездесті. Бұл матчта Уэльс 3:0 есебімен жеңіске жетті. Стадион: «Стадьом де Тулуз» Төрешілер: Эрикссон Йонас, Класениус Матиас, Вернмарк Даниэль (бәрі – Швеция), Орсато Даниэле (Италия) Ресей: Акинфеев, Смольников, Березуцкий (Березуцкий 46), Игнашевич, Комбаров, Глушаков, Мамаев, Кокорин, Широков (Головин 52), Смолов (Самедов 70), Дзюба Уэльс: Хеннесси, Гантер, Честер, Уильямс, Дэйвис, Тейлор, Аллен (Эдвардс 74), Рэмзи, Ледли (Кинг 76), Бэйл (Черч 83), Воукс Голдар: Рэмзи 11, Тэйлор 20, Бэйл 67 Ескерту алғандар: Мамаев 64 – Воукс 16 Бұл кездесу Уэльс құрамасының айқын басымдығымен өтті. Алғашқы таймның өзінде Гарет Бэйл бастаған команда қарсыластарына екі бірдей доп соқты. Матчтың 11-минутында Аарон Рэмзи командасын алға шығарса, араға 9 минут салып, 20-минутта Тэйлор мергендігімен көзге түсе білді. Ойынның екінші таймында Уэльс сапынан Гарет Бэйл үшінші допты соқты. Осының арқасында олар 6 ұпаймен өз топтарында бірінші орынға жайғасты. Ал Ресей 1 ұпаймен соңғы орында әрі плей-офф кезеңіне өту мүмкіндігінен айрылды. Аян Әбдуәли. Фото, видео: vk.com.