Саудта ИМ-ға барғысы келетін егіздер аналарын өлтіріп кетті

[caption id="attachment_48765" align="aligncenter" width="700"] ras.kz[/caption] Сауд Арабиясының астанасы – Эр-Рияд қаласында егіз екі жас жігіт өздерінің «Ислам мемлекеті» террорлық тобырына барып, қосылғылары келіп жүргендерін біліп қойып, қарсылық білдірген аналарын өлтіріп, қашып кеткен. Gulf News ақпарына сүйенген ras.kz қанды оқиғаның 24 маусым, жұма күні болғанын жазады. Оның мәліметінше, Халид және Салех есімді егіз екі жігіт аналары Хаила әл-Ариниді қоймаға шақырып алып, сол жерде екеулеп пышақтап тастаған. Осыдан кейін егіз бозбала 73 жастағы әкелері мен 22-дегі ағаларын да пышақтап үлгерген. Бірақ олар тірі қалыпты. Қазір екеуі де ауыр халде ауруханада жатыр. Егіздер қылмыс жасағаннан кейін қашып кеткен. Полиция оларды Эр-Риэдтан 100 шақырым жерде қолға түсірген. Балалардың анасы Халид пен Салехтің корольдіктен кетіп, «Ислам мемлекеті» тобырлары қатарына кетіп қалғылары келіп жүргендерін сезіп қойған көрінеді. Сосын ол ұлдарын ақылға шақырып, бұл ойларынан қайтпаса, билікке хабар беретінін айтып қорқытқан. Маусымның 25-і күні 67 жастағы Хаиланы жерлеу көп адамның қатысуымен өтті. Талғат РАЙЫМБЕК.