Италияда іздеуде жүрген мафия басшысы қолға түсті

[caption id="attachment_48778" align="aligncenter" width="645"] bbc.com[/caption] Италияның Калабрия аймағында 20 жылдан астам уақыт іздеуде жүрген Эрнесто Фаццалари есімді мафия басшысы қолға түсті. 24.kz-тің хабарлауынша, ол 1990 жылы кісі өлтіргені және адамдарды бопсалағаны себепті өмірбақи түрмеде отыру жазасына кесілген екен. Эрнесто Фаццалари тәртіп сақшыларына ешқандай қарсылықсыз беріліпті. Оқиға кезінде әйел адамның қасында болған. Ол алғаш рет 1996 жылы қамаудан қашып кеткен. Айта кетейік, қылмыстық жолда оның атағы әйгілі сицилиялық «Коза Ностра» мафиясының басшысы Меттео Мессина Денародан кем түспейді. Полиция қызметкерлерінің айтуынша, Эрнесто атышулы Ндратегета топтарына жетекшілік еткен. Бұл ұйым өз уақытында заңсыз жолмен Еуропаға ірі көлемді кокаин есірткісін сатумен айналысқан. Аян ӘБДУӘЛИ.