Бауырлас елмен байланыстар беки түспек

Кеше Үкімет үйінде Қазақстан Республикасы Премьер-Министрінің бірінші орынбасары Бақытжан Сағынтаев Премьер-министрдің орынбасары Олег Панкратов бастаған Қырғыз Республикасы делегациясымен келіссөздер жүргізді, деп хабарлады Премьер-Министрдің баспасөз қызметі. Кездесу барысында екіжақты қарым-қатынастардың да, сондай-ақ, Еура­зиялық экономикалық одақ форматындағы да түрлі мә­селелер қаралды. Тараптар сауда-эконо­мика­лық ықпалдастықтың түрлі ас­пектілерін, екі елдің энергия жүйелерінің тұрақты жұмысын қамтамасыз ету мәселелерін тал­қылады. Көлік саласында де­­легациялар автомобиль және теміржол қатынастарын дамыту үшін күш-жігер жұмсауға келісті. Оның сыртында Бақытжан Сағынтаев пен Олег Панкратов фитосанитарлық талаптар­ды сақтай отырып, өзара ауыл­ша­руашылық тауарларын жет­кізуді ұлғайту мүмкін­діктерін, су жеткізу, көші-қон, ауыл шаруа­шылығы және қоршаған ортаны қорғау мәселелерін қарас­тырды. Келіссөздер барысында та­­рап­тар мемлекеттердің тау­арлар мен қызметтерді саудалау, көлік, энергетика, туризм сияқ­ты басым салалардағы өз­ара іс-қимылдарды одан әрі жал­ғастыруға ниет білдірді.