Түркияда тойда жарылыс болып, кемі 30 адам қаза тапты (видео)

Бүгін түнде түріктің Газиантеп қаласында өтіп жатқан үйлену тойы кезінде күшті жарылыс жасалғаны туралы видео жазба әлеуметтік желілерге тарады. РИА «Новости» агенттігінің жазуынша, қайғылы оқиға тойдың нағыз қызған кезінде орын алған. Залда жарылыстың құлақ тұндыратын қатты даусы естілісімен жұрт не болғанын білмей, жан-жаққа қаша бастаған. Видеодан сондай-ақ той салтанаты жүріп жатқан жердің өте тар екені де байқалады. Соның салдарынан жұртты сыртқа шығаруда біраз қиыншылықтар туған. Кептеліс бұл процестің тез жүзеге асуына кедергі келтірген. Алдын ала есеп бойынша, кемінде 30 адам осы терактінің құрбаны болып, тағы 90 адам әртүрлі дене жарақаттарын алған. Түркия президенті Реджеп Тайип Ердоған жарылыстың сыртында «Ислам мемлекеті» деп аталатын террорлық ұйым содырлары тұрғанын мәлімдеді. Мұрат АЙТҚОЖА https://youtu.be/0F2ZeqgNT6o