БІРЛЕСКЕН БҰЙРЫҚ №465,№556,№465,№556

Қазақстан Республикасы Ұлттық экономика министрлігі 2015 жылғы 29 маусым №465 Астана қаласы Қазақстан Республикасы Ішкі істер министрлігі 2015 жылғы 23 маусым №556 Астана қаласы Қазақстан Республикасы Ұлттық экономика министрлігі 2015 жылғы 29 маусым №465 Астана қаласы Қазақстан Республикасы Ішкі істер министрлігі 2015 жылғы 23 маусым №556 Астана қаласы БІРЛЕСКЕН БҰЙРЫҚ Күзет қызметін, жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталықтарының қызметін және күзет сигнализациясы құралдарын монтаждау, ретке келтіру және техникалық қызмет көрсету жөніндегі қызметті мемлекеттік бақылау бойынша тәуекел дәрежесін бағалау өлшемшарттарын, тексеру парақтарының нысандарын бекіту туралы «Қазақстан Республикасындағы мемлекеттік бақылау және қадағалау туралы» Қазақстан Республикасының 2011 жылғы 6 қаңтардағы Заңының 13-бабы 3-тармағына, 15-бабы 1-тармағына сәйкес, бұйырамыз: 1. Мыналар: 1) күзет қызметін, жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталықтарының қызметін және күзет сигнализациясы құралдарын монтаждау, ретке келтіру және техникалық қызмет көрсету жөніндегі қызметті мемлекеттік бақылау бойынша тәуекел дәрежесін бағалау өлшемшарттары осы бұйрыққа 1-қосымшаға сәйкес; 2) күзет қызметін мемлекеттік бақылау бойынша тексеру парағының нысаны осы бұйрыққа 2-қосымшаға сәйкес; 3) жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталықтарының қызметін мемлекеттік бақылау бойынша тексеру парағының нысаны осы бұйрыққа 3-қосымшаға сәйкес; 4) күзет сигнализациясы құралдарын монтаждау, ретке келтіру және техникалық қызмет көрсету жөніндегі қызметті мемлекеттік бақылау бойынша тексеру парағының нысаны осы бұйрыққа 4-қосымшаға сәйкес бекітілсін. 2. Қазақстан Республикасы Ішкі істер министрлігінің Әкімшілік полиция комитеті (И.В.Лепеха): 1) осы бұйрықты Қазақстан Республикасы Әділет министрлігінде мемлекеттік тіркеуді; 2) осы бұйрықты мемлекеттік тіркеуден өткеннен кейін күнтізбелік он күн ішінде мерзімді баспа басылымдарында және «Әділет» ақпараттық-құқықтық жүйесінде ресми жариялауға жолдауды; 3) осы бұйрықты Қазақстан Республикасы Ішкі істер министрлігінің интернет-ресурсында орналастыруды қамтамасыз етсін. 3. Осы бұйрыққа 5-қосымшаға сәйкес мемлекеттік бақылау саласындағы кейбір бірлескен бұйрықтарының күші жойылды деп танылсын. 4. Осы бұйрықтың орындалуын бақылау Қазақстан Республикасы Ішкі істер министрінің орынбасары Е.З. Тургумбаевқа жүктелсін. 5. Осы бұйрық алғаш ресми жарияланғаннан кейін күнтізбелік он күн өткен соң қолданысқа енгізіледі. Қазақстан Республикасының Ұлттық экономика министрі __________________ Е.ДОСАЕВ Қазақстан Республикасының Ішкі істер министрі _________________ Қ. ҚАСЫМОВ «КЕЛІСКЕН» Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің төрағасы __________________ С. Айтпаева Қазақстан Республикасы Ұлттық экономика министрінің 2015 жылғы 29 маусымдағы №465 және Қазақстан Республикасы Ішкі істер министрінің 2015 жылғы 23 маусымдағы № 556 бірлескен бұйрығына 1-қосымша Күзет қызметін, жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталықтарының қызметін және күзет сигнализациясы құралдарын монтаждау, ретке келтіру және техникалық қызмет көрсету жөніндегі қызметті мемлекеттік бақылау бойынша тәуекел дәрежесін бағалау өлшемшарттары 1. Жалпы ережелер 1. Осы тәуекел дәрежесін бағалау өлшемшарттары (бұдан әрі – Өлшемшарттар) күзет қызметімен, жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталықтарының қызметімен және күзет сигнализациясы құралдарын монтаждау, ретке келтіру және техникалық қызмет көрсету жөніндегі қызметпен айналысатын жеке кәсіпкерлік субъектілері үшін әзірленді. 2. Осы Өлшемшарттарда мынадай ұғымдар пайдаланылады: 1) тәуекел – тексерілетін субъектінің қызметі нәтижесінде адамның өмірі мен денсаулығына, қоршаған ортаға, жеке және заңды тұлғалардың заңды мүдделеріне, мемлекеттің мүліктік мүдделеріне, оның салдарының ауырлық дәрежесі ескерілген, зиян келтіру ықтималдығы; 2) тәуекел дәрежесін бағалаудың объективті өлшемшарттары (бұдан әрі – объективті өлшемшарттар) – белгілі бір қызмет саласындағы тәуекел дәрежесіне байланысты тексерілетін субъектілерді іріктеу үшін пайдаланылатын және жекелеген тексерілетін субъектіге тікелей тәуелді емес тәуекел дәрежесін бағалау өлшемшарттары; 3) тәуекел дәрежесін бағалаудың субъективті өлшемшарттары (бұдан әрі – субъективті өлшемшарттар) – нақты тексерілетін субъект қызметі нәтижелеріне байланысты тексерілетін субъектілерді іріктеу үшін пайдаланылатын тәуекел дәрежесін бағалау өлшемшарттары; 4) тәуекелдерді бағалау жүйесі – тексерістерді тағайындау мақсатында бақылау және қадағалау органы жүргізетін іс-шаралар кешені. 3. Ішінара тексерістер үшін тәуекел дәрежесін бағалау өлшемшарттары объективті және субъективті өлшемраттар арқылы құрылады. Объективті өлшемшарттарды белгілеу мынадай кезеңдер арқылы жүзеге асырылады: 1) тәуекелді белгілеу. Тәуекелді белгілеу: реттелетін салаға (ауданға) келтірілетін зиянның болжамды жағымсыз зардаптарының ауырлық масштабтарына; адамның өмірі мен денсаулығына, қоршаған ортаға, жеке және заңды тұлғалардың заңды мүдделеріне, мемлекеттің мүліктік мүдделеріне қатысты қолайсыз оқиғаның орын алуы мүмкіндігіне қарай жүзеге асырылады; 2) тексерілетін субъектілерді тәуекелдер дәрежелері (жоғарғы және жоғарыға жатпайтын) бойынша бөлу және ішінара тексерістер жүргізілетін тәуекел дәрежесін белгілеу арқылы жүзеге асырылады. Субъективті өлшемшарттарды белгілеу мынадай: 1) деректер базасын құру және ақпарат жинау; 2) ақпаратты талдау және тәуекелдерді бағалау кезеңдерін қолдану арқылы жүзеге асырылады. 2. Тәуекел дәрежесін бағалаудың объективті өлшемшарттары 4. Объективті өлшемшарттар бойынша тексерілетін субъектілер мынадай тәуекел дәрежесіне жатады: тәуекелдің жоғарғы дәрежесіне: 1) қызметтік қаруды пайдалана отырып, күзет қызметін, жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталықтар қызметін жүзеге асыратын заңды тұлғалар; 2) екі жүз елуден астам жұмыскерлердің жылдық орташа санын құрайтын күзет қызметін, күзет сигнализациясы құралдарын монтаждау, ретке келтіру және техникалық қызмет көрсетуді, жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталықтар қызметін жүзеге асыратын заңды тұлғалар; 3) күзет сигнализациясы құралдарын монтаждау, ретке келтіру және техникалық қызмет көрсету жөніндегі қызметті жүзеге асыратын және біруақытта қызметтік қаруды пайдалана отырып, күзет қызметімен айналысатын заңды тұлғалар жатады; тәуекелдің жоғарғы дәрежесіне жатпайтын тексерілетін субъектілерге: 1) қызметтік қаруды пайдаланбай және екі жүз елуден төмен жұмыскерлердің жылдық орташа санын құрайтын тек күзет қызметін жүзеге асыратын заңды тұлғалар; 2) екі жүз елуден төмен жұмыскерлердің жылдық орташа санын құрайтын тек күзет сигнализациясы құралдарын монтаждау, ретке келтіру және техникалық қызмет көрсету жөніндегі қызметпен айналысатын заңды және жеке тұлғалар жатады. Тәуекелдің жоғарғы дәрежесіне жататын тексерілетін субъектілерге қатысты ішінара тексерістер, жоспардан тыс тексерістер және бақылаудың өзге нысаны жүргізіледі. Тәуекелдің жоғарғы дәрежесіне жатпайтын тексерілетін субъектілерге қатысты жоспардан тыс тексерістер және бақылаудың өзге нысаны жүргізіледі. 3. Тәуекел дәрежесін бағалаудың субъективті өлшемшарттары 5. Күзет қызметін жүзеге асыратын тексерілетін субъектілердің тәуекелдер дәрежесін бағалау үшін мынадай ақпарат көздері: 1) есептер мен мәліметтерге жүргізілген мониторинг нәтижелері; 2) алдыңғы тексеріс нәтижелері; 3) тексерілетін субъектінің кінәсінен пайда болған жағымсыз оқиғалардың болуы. Жағымсыз оқиғаларға: тексерілетін субъектінің жұмыскеріне, басшысына, құрылтайшысына (қатысушысына) немесе тексерілетін субъектінің өзіне қатысты қылмыстық және/немесе әкімшілік істі қозғау; тексерілетін субъект күзететін объектіде күзетті қамтамасыз етумен (күзет қызметтерін көрсетумен) тікелей байланысты қылмыс, құқық бұзушылық немесе төтенше жағдайдың болуы; қызметтік және азаматтық қаруды, арнайы құралдарды жою, жоғалту жатады; 4) расталған шағымдар мен өтініштердің болуы; 5) бұқаралық ақпарат құралдарындағы басылымдар мен жариялымдарды талдау; 6) құқық қорғау органдары жүргізетін жедел-профилактикалық іс-шаралардың нәтижелері; 7) талаптардың жалпы индикаторы. Бұзушылықтың ауырлық дәрежесі (өрескел, елеулі, болмашы) тексеру парақтарында көрсетілген заңнама талаптарын сақтамаған жағдайда белгіленеді. 6. Жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталықтарының қызметін жүзеге асыратын тексерілетін субъектілердің тәуекелдер дәрежесін бағалау үшін мынадай ақпарат көздері: 1) тексерілетін субъект ұсынатын есептер мен мәліметтерге жүргізілген мониторинг нәтижелері; 2) алдыңғы тексеріс нәтижелері; 3) тексерілетін субъектінің кінәсынан пайда болған жағымсыз оқиғалардың болуы. Жағымсыз оқиғаларға: тексерілетін субъектінің жұмыскеріне, басшысына, құрылтайшысына (қатысушысына) немесе тексерілетін субъектінің өзіне қатысты қылмыстық және/немесе әкімшілік істі қозғау; қызметтік және азаматтық қаруды, арнайы құралдарды жою, жоғалту жатады; 4) расталған шағымдар мен өтініштердің болуы; 5) бұқаралық ақпарат құралдарындағы басылымдар мен жариялымдарды талдау; 6) құқық қорғау органдары жүргізетін жедел-профилактикалық іс-шаралардың нәтижелері; 7) талаптардың жалпы индикаторы. Бұзушылықтың ауырлық дәрежесі (өрескел, елеулі, болмашы) тексеру парақтарында көрсетілген заңнама талаптарын сақтамаған жағдайда белгіленеді. 7. Күзет сигнализациясы құралдарын монтаждау, ретке келтіру және техникалық қызмет көрсету жөніндегі қызметті жүзеге асыратын тексерілетін субъектілердің тәуекелдер дәрежесін бағалау үшін мынадай ақпарат көздері: 1) алдыңғы тексеріс нәтижелері; 2) тексерілетін субъектінің кінәсынан пайда болған жағымсыз оқиғалардың болуы. Жағымсыз оқиғаларға: тексерілетін субъектінің жұмыскеріне, басшысына, құрылтайшысына (қатысушысына) немесе тексерілетін субъектінің өзіне қатысты қылмыстық және/немесе әкімшілік істі қозғау жатады; 3) расталған шағымдар мен өтініштердің болуы; 4) бұқаралық ақпарат құралдарындағы басылымдар мен жариялымдарды талдау; 5) құқық қорғау органдары жүргізетін жедел-профилактикалық іс-шаралардың нәтижелері; 6) бақылаудың өзге нысандарының нәтижелері; 7) талаптардың жалпы индикаторы. Бұзушылықтың ауырлық дәрежесі (өрескел, елеулі, болмашы) тексеру парақтарында көрсетілген заңнама талаптарын сақтамаған жағдайда белгіленеді. 8. Қолдағы бар ақпарат көздерді негізінде тәуекел дәрежесін бағалаудың өлшемшарттары тәртіп бұзушылықтың үш дәрежесіне бөлінеді: өрескел, елеулі, болмашы. Тәуекел дәрежесін бағалау кезінде көрсеткіштің әрбір дәрежесі бойынша орындалмаған көрсеткіштердің үлес салмағы белгіленеді. Бір орындалмаған өрескел көрсеткіш 100%, тиісінше 100 балға тең және субъект жоғарғы тәуекел дәрежесіне жатады. Егер өрескел көрсеткіш бойынша сәйкессіздік анықталмаса, онда тәуекел дәрежесін анықтау үшін елеулі және болмашы көрсеткіштер бойынша жиынтық көрсеткіш есептеледі. Орындалмаған көрсеткіштердің үлес салмағына елеулі көрсеткіштердің сомасын айқындау кезінде 0,7 коэффициенті қолданылады және мынадай формула бойынша есептеледі: ΣРз = (ΣР2 х 100/ΣР1) х 0,7 онда: ΣРз – елеулі көрсеткіштердің сомасы; ΣР2 – бағалау кезінде сәйкес келмейтін көрсеткіштердің саны; ΣР1 – бағалауға талап етілетін көрсеткіштердің саны. Орындалмаған көрсеткіштердің үлес салмағына болмашы көрсеткіштердің сомасын айқындау кезінде 0,3 коэффициенті қолданылады және мынадай формула бойынша есептеледі: ΣРн = (ΣР2 х 100/ΣР1) х 0,3 онда: ΣРн – болмашы көрсеткіштердің сомасы; ΣР2 – бағалау кезінде сәйкес келмейтін көрсеткіштердің саны; ΣР1 – бағалауға талап етілетін көрсеткіштердің саны. 4. Ақпаратты талдау және тәуекелдерді бағалау 9. Тәуекел дәрежесін бағалауға көрсеткіштер осы Өлшемшарттарға 1, 2 және 3-қосымшаларда келтірілген. 10. Ықтимал тәуекелге және проблеманың маңыздылығына, бұзушылықтың даралығына немесе жүйелігіне, бұрын қабылданған шешімдерге жүргізілген талдауға байланысты субъективті өлшемшарттарға тәртіп бұзушылық дәрежесі беріледі. 11. Субъективті өлшемшарттардың тәуекел дәрежесінің жалпы көрсеткіші 0-ден 100-ге дейінгі шкала бойынша есептеледі және төмендегі формулаға сәйкес көрсеткіштер бойынша балды қосу арқылы белгіленеді: ΣР = ΣРз + ΣРн онда: ΣР - субъективті өлшемшарттардың тәуекел дәрежесінің жалпы көрсеткіші; ΣРз – маңызды көрсеткіштердің жалпы балы; ΣРн – маңызды емес көрсеткіштердің жалпы балы. Тәуекел дәрежесінің көрсеткіштері бойынша тексерілетін субъект мыналарға жатады: 1) тәуекелдің жоғарғы дәрежесіне - тәуекел дәрежесінің 60-тан 100-ге дейінгі көрсеткіші кезінде және оған қатысты ішінара тексеріс жүргізіледі; 2) тәуекелдің болмашы дәрежесіне - тәуекел дәрежесінің 0-ден 60-қа дейінгі көрсеткіші кезінде және оған қатысты ішінара тексеріс жүргізілмейді. 12. Ішінара тексерісті өткізу еселігі өткізілетін талдау және субъективті өлшемшарттар бойынша алынатын мәліметтерді бағалау нәтижелері бойынша анықталады және жылына бір реттен жиі болмайды. 13. Ішінара тексерістер құқықтық статистика және арнайы есептер жөніндегі уәкілетті органға тиісті есеп беру кезеңі басталардан күнтізбелік он бес күн бұрын жолданатын жүргізілген талдау және бағалау нәтижелері бойынша жарты жылға құралатын ішінара тексерістер тізімдерінің негізінде жүргізіледі. 14. Ішінара тексерістер тізімі мыналарды: 1) субъективті өлшемшарттар бойынша тәуекел дәрежесінің анағұрлым жоғары көрсеткіштері бар тексерілетін субъектілердің басымдылығын; 2) тексерісті жүзеге асыратын мемлекеттік органның лауазымды адамдарының жүктемесін ескере отырып, құралады. Талдау және бағалау кезінде бұрын ескерілген және нақты тексерілетін субъектіге қатысты пайдаланылған субъективті өлшемшарттардың деректері қолданылмайды. Күзет қызметін, жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталықтарының қызметін және күзет сигнализациясы құралдарын монтаждау, ретке келтіру және техникалық қызмет көрсету жөніндегі қызметті мемлекеттік бақылау бойынша тәуекел дәрежесін бағалау өлшемшарттарына 1-қосымша Күзет қызметінің тәуекел дәрежесін бағалауға көрсеткіштер № Тәуекел дәрежесін бағалаудың субъективтік өлшемшарттары Тәртіп бұзушылық дәрежесі 1. Есептер мен мәліметтерге жүргізілген мониторинг нәтижелері: 1.1. Сұрау салуда белгіленген есептер мен мәліметтерді ұсыну мерзімін бұзу Елеулі 1.2 Сұрау салуға сәйкес есептер мен мәліметтерді ұсынбау Өрескел 1.3 Ұсынылған ақпаратқа жүргізілген мониторинг тексерілетін субъектілер қызметінің күзет қызметі саласындағы Қазақстан Республикасы заңнамасының талаптарына сәйкес келмейтінін көрсетті Өрескел 2. Алдыңғы тексеріс нәтижелері: 2.1 Тексерілетін субъект әкімшілік жауапкершілікке тартылған Өрескел 3. Тексерілетін субъектінің кінәсінен пайда болған жағымсыз оқиғалардың болуы: 3.1 Тексерілетін субъектінің күзетшісіне, басшысына, құрылтайшысына (қатысушысына) немесе тексерілетін субъектінің өзіне қатысты қылмыстық іс қозғау Өрескел 3.2 Тексерілетін субъектінің күзетшісіне, басшысына, құрылтайшысына (қатысушысына) немесе тексерілетін субъектінің өзіне қатысты әкімшілік іс қозғау Елеулі 3.3 Тексерілетін субъект күзететін объектіде күзетті қамтамасыз етумен (күзет қызметтерін көрсетумен) тікелей байланысты құқық бұзушылық жасалды немесе төтенше жағдай болды Өрескел 3.4 Қызметтік қаруды, арнаулы құралдарды жою, жоғалту Өрескел 4. Расталған шағымдар мен өтініштердің болуы: 4.1 Жоспардан тыс тексеріс нәтижесі немесе бақылаудың өзге түрі арқылы жеке не болмаса заңды тұлғаның расталған шағымы немесе өтінішінің болуы Өрескел 5. Бұқаралық ақпарат құралдарындағы басылымдар мен жариялымдарды талдау: 5.1 Бұқаралық ақпарат құралдарында жеке күзет ұйымы көрсететін күзет қызметтерінің сапасы туралы расталған жағымсыз жариялымдар мен басылымдардың болуы Болмашы 55.2 Жағымсыз оқиғаларды анықтай отырып, бұқаралық ақпарат құралдарында расталған жағымсыз жариялымдар мен басылымдардың болуы Өрескел 6. Құқық қорғау және арнайы мемлекеттік органдар жүргізетін жедел-профилактикалық іс-шаралардың нәтижелері: 6.1 Күзет қызметі саласындағы Қазақстан Республикасы заңнамасының талаптарын бұзушылықтар анықталды Өрескел 7. Талаптардың жалпы индикаторы: (ауырлық дәрежесі төменде келтірілген талаптарды сақтамаған кезде белгіленеді): 7.1 Жеке күзет ұйымының (оның ішінде филиал мен өкілдік) басшысында жоғары заң білімінің немесе Қарулы Күштерде, басқа әскерлер мен әскери құралымдардағы командалық лауазымдарда немесе құқық қорғау және арнайы органдардағы басшылық лауазымдарда үш жылдан кем емес жұмыс өтілінің болуы Елеулі 7.2 Жеке күзет ұйымының басшысы Қазақстан Республикасының азаматы болып табылады Өрескел 7.3 Жеке күзет ұйымы басшысында арнайы бағдарлама бойынша даярлықтан өткендігі туралы куәліктің болуы Елеулі 7.4 Жеке күзет ұйымы басшысында арнайы бағдарлама бойынша біліктілікті арттыру курстарынан өткендігі туралы куәліктің болуы Елеулі 7.5 Жеке күзет ұйымының басшысы психикалық ауруы, маскүнемдік немесе нашақорлық бойынша денсаулық сақтау органдарының есебінде тұрмайды Елеулі 7.6 Жеке күзет ұйымы басшысының қылмыс жасағаны үшін соттылығы жоқ Өрескел 7.7 Жеке күзет ұйымының басшысы Қазақстан Республикасы Қылмыстық кодексiнiң Ерекше бөлiгiндегi баптың тиiстi бөлiгiнде көзделген бас бостандығынан айыру түрiндегi жазаның төменгi шектегі мерзiмі өткенге дейiн Қазақстан Республикасының Қылмыстық-процестік кодексі 35-бабының бірінші бөлігі 3), 4), 9), 10) және 12) тармақтарының немесе 36-бабының негізінде қылмыстық жауапкершіліктен босатылған емес Өрескел 7.8 Жеке күзет ұйымының басшысына қатысты күзетші лауазымына қабылдағанға дейін бір жыл ішінде қылмыстық теріс қылық жасағаны үшін соттың айыптау үкімі шықпаған немесе күзетші лауазымына қабылданғанға дейін бір жыл ішінде қылмыстық теріс қылық жасағаны үшін Қазақстан Республикасының Қылмыстық-процестік кодексі 35-бабының бірінші бөлігі 3), 4), 9), 10) және 12) тармақтарының немесе 36-бабының негізінде қылмыстық жауапкершілктен босатылмаған Өрескел 7.9 Жеке күзет ұйымының басшысы күзет ұйымының басшысы ретінде жұмысқа қабылданғанға дейін бір жыл ішінде меншікке, мемлекеттік билік институттарына, басқарудың белгіленген тәртібіне, қоғамдық тәртіпке және адамгершілкке қол сұғатын қасақана әкімшілік құқық бұзушылықтар жасағаны үшін бұрын әкімшілік жауапкершілікке тартылмаған Елеулі 7.10 Жеке күзет ұйымының басшысы кемінде үш жыл бұрын теріс себептер бойынша мемлекеттік, әскери қызметтен, құқық қорғау органдарынан, соттардан және әділет органдарынан жұмыстан босатылмаған Елеулі 7.11 Жеке күзет ұйымының басшысы кемінде үш жыл бұрын теріс себептер бойынша жеке күзет ұйымының күзетшісі лауазымынан босатылмаған Елеулі 7.12 Жеке күзет ұйымының басшысы 19 жасқа толған Өрескел 7.13 Күзетші лауазымын атқаратын жеке күзет ұйымының жұмыскерлері Қазақстан Республикасының азаматтары болып табылады Өрескел 7.14 Күзетші лауазымын атқаратын жеке күзет ұйымының жұмыскерлері 19 жасқа толған Өрескел 7.15 Күзетшілер лауазымын атқаратын жеке күзет ұйымының жұмыскерінде арнайы бағдарлама бойынша даярлықтан өткені туралы куәліктің болуы Елеулі 7.16 Күзетшілер лауазымын атқаратын жеке күзет ұйымының жұмыскерінде арнайы бағдарлама бойынша біліктілікті арттыру курстарынан өту туралы куәліктің болуы Елеулі 7.17 Күзетшілер лауазымын атқаратын жеке күзет ұйымы жұмыскерлерінің қылмыс жасағаны үшін соттылығы жоқ Өрескел 7.18 Күзетшілер лауазымын атқаратын жеке күзет ұйымының жұмыскерлері денсаулық жағдайы бойынша күзет қызметімен айналысуға жарамды (көздің көруінің бұзылуына, психикалық ауруына, маскүнемдік немесе нашақорлыққа байланысты қаруға иелік етуге қарсы көрсетілімдер жоқ) Елеулі 7.19 Күзетшілер лауазымын атқаратын жеке күзет ұйымының жұмыскерлері Қазақстан Республикасы Қылмыстық кодексiнiң Ерекше бөлiгiндегi баптың тиiстi бөлiгiнде көзделген бас бостандығынан айыру түрiндегi жазаның төменгi шектегі мерзiмі өткенге дейiн Қазақстан Республикасының Қылмыстық-процестік кодексі 35-бабының бірінші бөлігі 3), 4), 9), 10) және 12) тармақтарының немесе 36-бабының негізінде қылмыстық жауапкершіліктен босатылған емес Өрескел 7.20 Күзетшілер лауазымын атқаратын жеке күзет ұйымының жұмыскерлеріне қатысты күзетші лауазымына қабылданғанға дейін бір жыл ішінде қылмыстық теріс қылық жасағаны үшін соттың айыптау үкімі шықпаған немесе күзетші лауазымына қабылданғанға дейін бір жыл ішінде қылмыстық теріс қылықты жасағаны үшін Қазақстан Республикасының Қылмыстық-процестік кодексі 35-бабының бірінші бөлігі 3), 4), 9), 10) және 12) тармақтарының немесе 36-бабының негізінде қылмыстық жауапкершілктен босатылмаған Өрескел 7.21 Күзетшілер лауазымын атқаратын жеке күзет ұйымының жұмыскерлері жұмысқа қабыл­данғанға дейін бір жыл ішінде меншікке, мемлекеттік билік институттарына, басқа­рудың белгіленген тәртібіне, қоғамдық тәртіпке және адамгершілкке қол сұғатын қасақана әкімшілік құқық бұзушылықтар жасағаны үшін бұрын әкімшілік жауапкерілікке тартылмаған Елеулі 7.22 Күзетшілер лауазымын атқаратын жеке күзет ұйымының жұмыскерлері кемінде үш жыл бұрын теріс себептер бойынша мемлекеттік, әскери қызметтен, құқық қорғау органдарынан, соттардан және әділет органдарынан жұмыстан босатылмаған Елеулі 7.23 Күзетшілер лауазымын атқаратын жеке күзет ұйымының жұмыскерлері кемінде үш жыл бұрын теріс себептер бойынша жеке күзет ұйымының күзетшісі лауазымынан босатылмаған Елеулі 7.24 Күзетшілер лауазымын атқаратын жеке күзет ұйымының жұмыскерлері олардың жеке басын және жеке күзет ұйымына қатыстылығын растайтын құжаттармен қамтамасыз етілген Болмашы 7.25 Күзетшілердің жеке басын және олардың жеке күзет ұйымына қатыстылығын растайтын құжаттың «Жеке күзет ұйымдарының күзетші құжатының нысаны мен үлгісін бекіту туралы» Қазақстан Республикасы Ішкі істер министрінің 2015 жылғы 23 ақпандағы № 140 бұйрығымен белгіленген талаптарға сәйкес келуі Елеулі 7.26 Жеке күзет ұйымы күзет қызметтерін көрсету туралы шарттарды жасасудың жазбаша нысанын сақтайды Болмашы 7.27 Жеке күзет ұйымы күзетшілер лауазымын атқаратын жұмыскерлерді міндетті сақтандыру туралы талаптарды сақтайды (күзетші лауазымын атқаратын жұмыскерлерді сақтандыру туралы растайтын құжаттың болуы) Өрескел 7.28 Жеке күзет ұйымы күзетшілерінің штат саны Қазақстан Республикасы Үкіметінің 2002 жылғы 5 сәуірдегі № 407 қаулысымен («Күзет қызметі туралы» Қазақстан Респуб­лика­сының Заңын іске асыру жөніндегі шаралар туралы») белгіленген нормативке сәйкес келеді Өрескел 7.29 Басшы және күзетші лауазымын атқаратын жеке күзет ұйымының жұмыскерлері қыз­мет­тік міндеттерін орындау кезінде қылмыстық құқық бұзушылықтар жасауға жол бермеген Өрескел 7.30 Басшы және күзетші лауазымын атқаратын жеке күзет ұйымының жұмыскерлері жұмыстан тыс кезде қасақана қылмыстар жасауға жол бермеген Елеулі 7.31 Жеке күзет ұйымы күзетшілердің арнайы киімді киюі бойынша талаптарды сақтайды Елеулі 7.32 Жеке күзет ұйымы күзетшілерінің арнайы киімі «Жеке күзет ұйымдарының күзетші лауазымындағы қызметкерлерінің арнайы киім үлгілерін және оны киіп жүру қағидаларын бекіту туралы» Ішкі істер министрінің 2015 жылғы 23 ақпандағы № 142 бұйрығымен белгіленген талаптарға сәйкес келеді Өрескел 7.33 Ұлттық компанияның күзет ұйымы құрылтайшы құқығын алуға Қазақстан Республикасының аумағында күзет қызметін бақылауды жүзеге асыру жөнінде уәкілетті органмен келіскен Өрескел 7.34 Ұлттық компания күзет ұйымының үшінші адамдарға күзет қызметтерін көрсетуге құқығы жоқ Өрескел 7.35 Заңды тұлғалардың және Қазақстан Республикасы азаматтарының біруақытта біреуден аса күзет қызметімен айналысатын ұйымның құрылтайшылары, қатысушылары және (немесе) меншік иелері болуға құқығы жоқ Өрескел 7.36 Жеке күзет ұйымы күзеттен басқа өзге қызметті жүзеге асыратын ұйымның еншілес кәсіпорны болып табылмайды. Субъектінің құрылтайшысы (қатысушысы) үшін осы қызмет түрі – негізгі Өрескел 7.37 Жеке күзет ұйымының құрылтайшысы (қатысушылары) өздеріне қатысты күзет қызметтерін көрсететін құрылтайшылар не болмаса ұйымның лауазымды адамдары болып табылмайды Өрескел 7.38 Жеке күзет ұйымының құрылтайшысы (қатысушысы) қылмыс жасағаны үшін соттылығы бар азаматтар, сондай-ақ құрылтайшылардың (қатысушылардың) құрамында көрсетілген адамдар бар заңды тұлғалар болып табылмайды Өрескел 7.39 Жеке күзет ұйымының құрылтайшысы (қатысушысы) өздерiне қатысты күзет қызметтерiн көрсететiн заңды тұлғалар және олар аффилиирлеген заңды тұлғалар болып табылмайды Өрескел 7.40 Жеке күзет ұйымдарының құрылтайшылары (қатысушылары) қоғамдық бірлестіктер болып табылмайды Өрескел 7.41 Жеке күзет ұйымының құрылтайшылары (қатысушылары) шетелдік заңды тұлғалар, шетелдің қатысуымен заңды тұлғалар, шетелдіктер, сондай-ақ азаматтығы жоқ не болмаса сенімгерлік басқаруында жеке күзет ұйымы бар адамдар болып табылмайды Өрескел 7.42 Жеке күзет ұйымының қызметтік және азаматтық қаруды пайдаланатын жағдайда қару мен оқ-дәрілерді сақтауға арналған үй-жайы (не болмаса белгіленген талаптарға жауап беретін үй-жайларда оларды сақтауға арналған шарты) бар Өрескел Күзет қызметін, жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталықтарының қызметін және күзет сигнализациясы құралдарын монтаждау, ретке келтіру және техникалық қызмет көрсету жөніндегі қызметті мемлекеттік бақылау бойынша тәуекел дәрежесін бағалау өлшемшарттарына 2-қосымша Жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталықтары қызметінің тәуекел дәрежесін бағалауға көрсеткіштер № Тәуекел дәрежесін бағалаудың субъективті өлшемшарттары Тәртіп бұзушылық дәрежесі 1. Есептер мен мәліметтерге жүргізілген мониторинг нәтижелері: 1.1 Сұрау салуда мәліметтерді ұсынудың белгіленген мерзімдерін бұзу Елеулі 1.2 Сұрау салуға сәйкес есептер мен мәліметтерді ұсынбау Өрескел 1.3 Ұсынылған ақпаратқа жүргізілген мониторинг тексерілетін субъектілер қызметінің Қазақстан Республикасы заңнамасының талаптарына сәйкес келмейтінін анықтады: Өрескел 2. Алдыңғы тексеріс нәтижелері: 2.1 Тексерілетін субъект әкімшілік жауапкершілікке тартылған Өрескел 3. Тексерілетін субъектінің кінәсінен пайда болған жағымсыз оқиғалардың болуы: 3.1 Тексерілетін субъектінің жұмысшысына, басшысына, құрылтайшысына (қатысушысына) немесе тексерілетін субъектінің өзіне қатысты қылмыстық іс қозғау Өрескел 3.2 Тексерілетін субъектінің күзетшісіне, басшысына, құрылтайшысына (қатысушысына) немесе тексерілетін субъектінің өзіне қатысты әкімшілік іс қозғау Елеулі 3.3 Қызметтік және азаматтық қаруды, арнайы құралдарды жою, жоғалту Өрескел 4. Расталған шағымдар мен өтініштердің болуы: 4.1 Жоспардан тыс тексеріс нәтижесі немесе бақылаудың өзге нысаны арқылы жеке не болмаса заңды тұлғаның расталған шағымы немесе өтінішінің болуы Өрескел 5. Бұқаралық ақпарат құралдарындағы басылымдар мен жариялымдарды талдау: 5.1 Бұқаралық ақпарат құралдарында тексерілетін субъект көрсететін қызметтердің сапасы туралы расталған теріс жариялымдар мен басылымдардың болуы Болмашы 5.2 Жағымсыз оқиғаларды анықтай отырып, бұқаралық ақпарат құралдарында теріс жариялымдар мен басылымдардың болуы Елеулі 6. Құқық қорғау және арнайы мемлекеттік органдар жүргізетін жедел-профилактикалық іс-шаралардың нәтижелері: 6.1 Күзет қызметі саласындағы Қазақстан Республикасы заңнамасының талаптарын бұзушылықтар анықталды Өрескел 7. Талаптардың жалпы индикаторы (ауырлық дәрежесі төменде келтірілген талаптарды сақтамаған кезде белгіленеді): 7.1 Санитарлық нормаларға сәйкес келетін (халықтың санитариялық-эпидемиологиялық саламаттылығы саласындағы уәкілетті орган берген қорытындының болуы) сабақтар өткізуге арналған үй-жайдың болуы Өрескел 7.2 Атыс даярлық бойынша сабақтар өткізуге арналған атыс тирінің болуы: Заңды тұлғалар үшін – меншік құқығында; филиалдар үшін – меншік не болмаса жалға алу шарты құқығында Өрескел 7.3 Оқу бағдарламалары мен оқу жоспарларында көзделген арнайы және техникалық құралдардың болуы Өрескел 7.4 Тиісті теориялық, практикалық білімдері және өзінің кәсіби құзыреті шегінде оқыту қабі­леті бар оқытушылардың және күзет қызметі саласында жұмыс тәжірибесі бар оқыту про­ц­есіне тартылатын мамандардың болуы (еңбек қызметін растайтын құжаттар көшірмесі) Өрескел 7.5 Психикалық ауруы, маскүнемдік немесе нашақорлық бойынша денсаулық сақтау органдарының есебінде тұратын адамдар МОО және олардың филиалдарының құрылтайшылары (қатысушылары), басшылары бола алмайды Елеулі 7.6 Қылмыс жасағаны үшін соттылығы бар адамдар МОО және олардың филиалдарының құрылтайшылары (қатысушылары), басшылары бола алмайды Өрескел 7.7 Қазақстан Республикасы Қылмыстық кодексiнiң Ерекше бөлiгiндегi баптың тиiстi бөлiгiнде көзделген бас бостандығынан айыру түрiндегi жазаның төменгi шектегі мерзiмі өткенге дейiн Қазақстан Республикасының Қылмыстық-процестік кодексі 35-бабының бірінші бөлігі 3), 4), 9), 10) және 12) тармақтарының немесе 36-бабының негізінде қылмыстық жауапкершіліктен босатылған адамдар МОО және олардың филиалдарының құрылтайшылары (қатысушылары), басшылары бола алмайды Өрескел 7.8 Оларға қатысты күзетші лауазымына қабылданғанға дейін бір жыл ішінде қылмыстық теріс қылық жасағаны үшін соттың айыптау үкімі шыққан немесе күзетші лауазымына қабылданғанға дейін бір жыл ішінде қылмыстық теріс қылық жасағаны үшін Қазақстан Республикасының Қылмыстық-процестік кодексінің 35-бабының бірінші бөлігі 3), 4), 9), 10) және 12) тармақтарының немесе 36-бабының негізінде қылмыстық жауапкершіліктен босатылған адамдар МОО және олардың филиалдарының құрылтайшылары (қатысушылары), басшылары бола алмайды Өрескел 7.9 Жұмысқа қабылданғанға дейін бір жыл ішінде меншікке, мемлекеттік билік институттарына, басқарудың белгіленген тәртібіне, қоғамдық тәртіпке және адамгершілікке қол сұғатын қасақана әкімшілік құқық бұзушылықтарды жасағаны үшін бұрын әкімшілік жауапкершілікке тартылған адамдар МОО және олардың филиалдарының құрылтайшылары (қатысушылары), басшылары бола алмайды Елеулі 7.10 Кемінде үш жыл бұрын теріс себептер бойынша мемлекеттік, әскери қызметтен, құқық қорғау органдарынан, соттардан және әділет органдарынан жұмыстан босатылған адамдар МОО және олардың филиалдарының құрылтайшылары (қатысушылары), басшылары бола алмайды Елеулі 7.11 Кемінде үш жыл бұрын теріс себептер бойынша жеке күзет ұйымының күзетшісі лауазымынан босатылған адамдар МОО және олардың филиалдарының құрылтайшылары (қатысушылары), басшылары бола алмайды Елеулі 7.12 Шетелдік заңды тұлғалар, шетелдің қатысуымен заңды тұлғалар, шетелдіктер, сондай-ақ азаматтығы жоқ адамдар МОО және олардың филиалдарының құрылтайшылары (қатысушылары), басшылары бола алмайды Өрескел 7.13 «Жекелеген қару түрлерінің айналымына мемлекеттік бақылау жасау туралы» Қазақ­стан Республикасының Заңын жүзеге асыру жөніндегі шаралар туралы» Үкіметтің 2000 жылғы 3 тамыздағы № 1176 қаулысымен белгіленген оқ-дәрілер нормаларына сәйкес келмеуі Өрескел Күзет қызметін, жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталықтарының қызметін және күзет сигнализациясы құралдарын монтаждау, ретке келтіру және техникалық қызмет көрсету жөніндегі қызметті мемлекеттік бақылау бойынша тәуекел дәрежесін бағалау өлшемшарттарына 3-қосымша Күзет сигнализациясы құралдарын монтаждау, ретке келтіру және техникалық қызмет көрсету жөніндегі қызметтің тәуекел дәрежесін бағалауға көрсеткіштер № Тәуекел дәрежесін бағалаудың субъективті өлшемшарттары Тәртіп бұзушылық дәрежесі 1. Алдыңғы тексеріс нәтижелері: 1.1 Тексерілетін субъект әкімшілік жауапкершілікке тартылған Өрескел 1.2 Алдыңғы тексеріс нәтижесі тексерілетін субъектілер қызметінің Қазақстан Республикасы заңнамасының талаптарына сәйкес келмейтінін анықтады Өрескел 2. Тексерілетін субъектінің кінәсінен пайда болған жағымсыз оқиғалардың болуы: 2.1 Тексерілетін субъектінің жұмысшысына, басшысына немесе тексерілетін субъектінің өзіне қатысты қылмыстық іс қозғау Өрескел 2.2 Тексерілетін субъектінің жұмысшысына, басшысына немесе тексерілетін субъектінің өзіне қатысты әкімшілік іс қозғау Елеулі 3. Расталған шағымдар мен өтініштердің болуы: 3.1 Жоспардан тыс тексеріс нәтижесі немесе бақылаудың өзге нысаны арқылы жеке не болмаса заңды тұлғаның расталған шағымы немесе өтінішінің болуы Өрескел 4. Бұқаралық ақпарат құралдарындағы басылымдар мен жариялымдарды талдау: 4.1 Бұқаралық ақпарат құралдарында тексерілетін субъект көрсететін қызметтердің сапасы туралы расталған теріс жариялымдар мен басылымдардың болуы Болмашы 4.2 Жағымсыз оқиғаларды анықтай отырып, бұқаралық ақпарат құралдарында расталған теріс жариялымдар мен басылымдардың болуы Өрескел 5. Құқық қорғау және арнайы мемлекеттік органдар жүргізетін жедел-профилактикалық іс-шаралардың нәтижелері: 5.1 Күзет қызметі саласындағы Қазақстан Республикасы заңнамасының талаптарын бұзушылықтар анықталды Өрескел 6. Бақылаудың өзге нысандарының нәтижелері: 6.1 Бақылаудың және қадағалаудың өзге нысандарының барысында күзет қызметі саласын­дағы Қазақстан Республикасы заңнамасының талаптарын бұзушылықтар анықталды Өрескел 7. Талаптардың жалпы индикаторы: (ауырлық дәрежесі төменде келтірілген талаптарды сақтамаған кезде белгіленеді): 7.1 Күзет сигнализациясы құралдарын монтаждау, ретке келтіру және техникалық қызмет көрсету жөніндегі жұмысты жүргізетін маманның (бұдан әрі - субъект) жұмыс саласына сәйкес келетiн жоғары немесе орта техникалық бiлiмi бар Елеулі 7.2 Субъектінің күзет сигнализациясы құралдарын ретке келтiрудi, техникалық қызмет көрсетудi және жөнделетін жабдықтың техникалық жай-күйiн тексерудi жүзеге асыруға арналған жабдықтары бар үй-жайы (немесе оны жалға алу шарты) бар Өрескел 7.3 Субъект басшысы Қазақстан Республикасының азаматы болып табылады Өрескел 7.4 Субъект басшысы психикалық ауруы бойынша денсаулық сақтау органдарының есебінде тұрған жоқ Елеулі 7.5 Субъекті басшысының заңмен белгіленген тәртіпте өтелмеген немесе алынбаған соттылығы жоқ Өрескел 7.6 Субъект басшысы Қазақстан Республикасы Қылмыстық кодексiнiң Ерекше бөлiгiндегi баптың тиiстi бөлiгiнде көзделген бас бостандығынан айыру түрiндегi жазаның төменгi шектегі мерзiмі өткенге дейiн Қазақстан Республикасының Қылмыстық-процестік кодексі 35-бабының бірінші бөлігі 3), 4), 9), 10) және 12) тармақтарының немесе 36-бабының негізінде қылмыстық жауапкершіліктен босатылған емес Өрескел 7.7 Субъект жұмыскерлері Қазақстан Республикасының азаматтары болып табылады Өрескел 7.8 Субъект жұмыскерлері психикалық ауруы бойынша денсаулық сақтау органдарының есебінде тұрған жоқ Елеулі 7.9 Субъект жұмыскерлерінің заңмен белгіленген тәртіпте өтелмеген немесе алынбаған соттылығы жоқ Өрескел 7.10 Субъект жұмыскерлері Қазақстан Республикасы Қылмыстық кодексiнiң Ерекше бөлiгiндегi баптың тиiстi бөлiгiнде көзделген бас бостандығынан айыру түрiндегi жазаның төменгi шектегі мерзiмі өткенге дейiн Қазақстан Республикасының Қылмыстық-процестік кодексі 35-бабының бірінші бөлігі 3), 4), 9