Қазақстандағы жобаларды инвестициялауға ынталы

Қазақстан Республикасының Сыртқы істер министрі Ерлан Ыдырысов елімізге алғаш рет келген Гонконгтың қаржы жөніндегі хатшысы (қаржы министрі) Джон Цангпен кездесті. Кездесу барысында Е.Ыдырысов Қа­зақ­станның негізгі сыртқы саяси басымдықтары мен елімізде инвес­ти­циялық климатты жақсарту және арнайы экономикалық аймақтар құру үшін қолданылып жатқан шаралар туралы айтып берді. Ол Қазақстан Гон­конгтың қаржы индустриясындағы тәжі­рибесін зерделеуге мүдделі екенін атап өтті. Сұхбаттасушылар «Ас­тана» халықаралық қаржы орталығы қызметкерлерінің Гонконг қаржы мекемелерінде арнайы тренингтерден өту мүмкіндігін де талқылады. Джон Цанг өз кезегінде Гонконгтың іскер топтары Қазақстандағы сауда, ло­гис­тика және қызмет көрсету сала­лар­ын­д­ағы инновациялық жобаларды қар­жыландыруға дайын екенін мәлімдеді. Сонымен қатар, тараптар Қазақ­стан мен Гонконг арасындағы инвести­ция­ларды өзара қорғау және көтермелеу, қосарланған салық салуды болдыр­мау, сондай-ақ салааралық және ведом­ство­аралық екіжақты құжаттарды қабылдау мәселелерін қарастырды. «Егемен-ақпарат»