Ақтөбедегі «Достық» үйінде тоғызқұмалақтан Президент Н.Назарбаевтың жүлдесі үшін ерлер мен әйелдер халықаралық турнирі мәресіне жетті. Оны Мәдениет және спорт министрлігі, республикалық тоғызқұмалақ қауымдастығы, облыстық әкімдік, спорт және дене шынықтыру басқармасы ұйымдастырды. Турнирге Қытайдан, Моңғолиядан, Өзбекстаннан, Түрікменстаннан, Ресейден, Қырғызстаннан және еліміздің облыстарынан 70-ке жуық тоғызқұмалақшы қатысты.
«Жүзден – жүйрік, мыңнан – тұлпар» дегендей, мұндайда бақтан гөрі бабы келіскен спортшының жұлдызы жанатыны белгілі. Ерлер арасында астаналық халықаралық дәрежедегі спорт шебері Ғалымжан Темірбаевқа тең келер ешкім болмады. Бірінші орын алған оған 1 миллион теңге сыйлық берілді. Екінші орын шығысқазақстандық халықаралық дәрежедегі спорт шебері Алмас Жақсылықовқа бұйырды. Ол 500 мың теңге ақшалай сыйлыққа ие болды. Ақтөбелік халықаралық дәрежедегі спорт шебері Медет Құсайынов үшінші орынға көтеріліп, 300 мың теңге ақшалай сыйлыққа қол жеткізді.
Ал әйелдер арасында топ жарған Оңтүстік Қазақстан облысының өкілі, халықаралық дәрежедегі спорт шебері Әсел Далиеваға 1 миллион теңге ақшалай сыйлық тапсырылды. Екінші орын алған ақтөбелік халықаралық дәрежедегі спорт шебері Диана Кенина 500 мың теңгеге ие болды. Қостанайлық спорт шебері Гүлнұр Спанова үшінші орынға табан тіреп, 300 мың теңге ақшалай сыйлық алды.
Президент жүлдесіне арналған халықаралық турнирдің бас төрешісі, Қазақстанның еңбек сіңірген жаттықтырушысы Қабидолла Нұршиннің айтуынша, жарысқа бұрыннан осындай турнирлерде олжа салып жүрген шебер тоғызқұмалақшылар жиналған.
Сатыбалды СӘУІРБАЙ,
«Егемен Қазақстан»
Ақтөбе облысы
Ақтөбедегі «Достық» үйінде тоғызқұмалақтан Президент Н.Назарбаевтың жүлдесі үшін ерлер мен әйелдер халықаралық турнирі мәресіне жетті. Оны Мәдениет және спорт министрлігі, республикалық тоғызқұмалақ қауымдастығы, облыстық әкімдік, спорт және дене шынықтыру басқармасы ұйымдастырды. Турнирге Қытайдан, Моңғолиядан, Өзбекстаннан, Түрікменстаннан, Ресейден, Қырғызстаннан және еліміздің облыстарынан 70-ке жуық тоғызқұмалақшы қатысты.
«Жүзден – жүйрік, мыңнан – тұлпар» дегендей, мұндайда бақтан гөрі бабы келіскен спортшының жұлдызы жанатыны белгілі. Ерлер арасында астаналық халықаралық дәрежедегі спорт шебері Ғалымжан Темірбаевқа тең келер ешкім болмады. Бірінші орын алған оған 1 миллион теңге сыйлық берілді. Екінші орын шығысқазақстандық халықаралық дәрежедегі спорт шебері Алмас Жақсылықовқа бұйырды. Ол 500 мың теңге ақшалай сыйлыққа ие болды. Ақтөбелік халықаралық дәрежедегі спорт шебері Медет Құсайынов үшінші орынға көтеріліп, 300 мың теңге ақшалай сыйлыққа қол жеткізді.
Ал әйелдер арасында топ жарған Оңтүстік Қазақстан облысының өкілі, халықаралық дәрежедегі спорт шебері Әсел Далиеваға 1 миллион теңге ақшалай сыйлық тапсырылды. Екінші орын алған ақтөбелік халықаралық дәрежедегі спорт шебері Диана Кенина 500 мың теңгеге ие болды. Қостанайлық спорт шебері Гүлнұр Спанова үшінші орынға табан тіреп, 300 мың теңге ақшалай сыйлық алды.
Президент жүлдесіне арналған халықаралық турнирдің бас төрешісі, Қазақстанның еңбек сіңірген жаттықтырушысы Қабидолла Нұршиннің айтуынша, жарысқа бұрыннан осындай турнирлерде олжа салып жүрген шебер тоғызқұмалақшылар жиналған.
Сатыбалды СӘУІРБАЙ,
«Егемен Қазақстан»
Ақтөбе облысы
Соңғы жаңалықтар
Мемлекет басшысы Талдықорғандағы Үстел теннисі орталығын аралап көрді
Президент • Бүгін, 19:45
«Egemen» де, домбыра да сыйлады
Руханият • Бүгін, 19:30
Қасым-Жомарт Тоқаев «Жетісу» волейбол клубының жай-күйімен танысты
Президент • Бүгін, 19:00
Мемлекет басшысы Ынтымақ ауылындағы мектепті аралап көрді
Президент • Бүгін, 18:21
Биыл Жетісу облысында 250 мың шаршы метрге жуық тұрғын үй пайдалануға берілген
Президент • Бүгін, 17:48
Президент «Талдықорған» индустриялық аймағына барды
Президент • Бүгін, 17:36
