Боксшы-студенттер биігі

Қазақстан боксшы-студенттері тағы бір табысқа жетті. Бұл жолы олар Таиландтың Чианг-Май қаласында болып өткен VII Универсиадада 3 алтын, 1 күміс және 2 қола медаль жеңіп алды. Жерлестеріміз қатарынан чем­пион­дыққа бірінші болып 60 кг сал­мақтағы Дидар Өтелбаев қол артты. Ол финалда ресейлік Рус­там Мустафаевты 3:0 етіп ұт­ты. Келесі алтын медальді өте тәжі­рибелі белорус Михаил Долго­левец­ті 2-раундта нокаутқа жібер­ген 81 кг салмақтағы Әли Ах­медов әкелді. Ең соңынан аса ауыр салмақтағы Нұрсұлтан Аман­жолов ресейлік Сергей Смо­лин­нен 2:1 есебімен басым түсіп, чемпиондық тұғырға көтерілді. Бұл күні бізден тек 69 кг салмақтағы Бекболат Құрамысов қана қарсыласынан аса алмады. Ол алтын медаль үшін таласта ресейлік Харитон Аргбаға 1:2 есебімен есе жіберді. Ал жартылай финалда тай боксшысы Юттапонг Тонгдиден 0:3 болып жеңілген Ертуған Зейнуллинов (56 кг) пен ресейлік Артем Гара­щуктен 1:2 есебімен ұтылған Рахат Мыржықпаев (75 кг) қола медальді қанағат тұтты. Финалда сондай-ақ ресей­ліктер Вадим Кудряков (49 кг) – тайпейлікТу По-Вейді 3:0, Антон Заев (91 кг) – француз Дилан Брегонды 2:1, таиландтықтар Танес Онгжунта (52 кг) – француз Малик Нагимді 3:0, Юттаронг Тонгди (56 кг) – жапон Юки Ямаучиді 2:1, украиналықтар Мгер Оганесян (64 кг) – ресейліктер Алиса Шарифовті 2:1, Валерий Харламов (75 кг) Артем Гаращукті 3:0 етіп жеңді. Біздің былғары қолғап шебер­лері арасында біраздан бері отан­дық мамандардың назарына ілігіп жүрген Әли Ахмедов чемпио­натты өте күшті өткізді. Ол іріктеу жекпе-жегінде қытай­лық Ли Битаоны 3-раундта іске алғы­сыз етіп тастаса, ширек фи­­налда украиналық Вяче­слав Троянды 2-раундта жарыс жолынан шығарып жіберді. Со­дан соң жартылай финалда швей­цариялық Уке Смажлиді 3:0 етіп тізе бүктірді. Келесі чемпион Дидар Өтелбаев ширек финалда тай Тхива Жантхакумпаны, жартылай финалда тайпейлік Лай Чу-Енді 3:0 етіп ұтты. Ал Нұр­сұлтан Аманжолов турнирге жартылай финалдан қосылып, белорус Евгений Медникті 3:0 етіп сүріндірді. Чемпионаттың күміс жүлде­гері Бекболат Құрамысов ширек финалда тай Банжонг Син­си­риді 2:0, жартылай финалда швей­цариялық Егзон Маликажды 3:0 есептерімен жеңді. Бұдан әрі қола жүлдегер Ертуған Зейнуллинов іріктеу кезеңінде молдован Дорин Буксадан 3:0, ширек финалда тайпейлік Као Ших-Еннен 2:1 есепт­ерімен өтті. Қола жүлдегер Рахат Мыржықпаев ширек финалда германиялық Тимо Росттан 2:1 есебімен басым түсті. Өкінішке қарай, 52 кг салмақ­тағы Рашид Салауатов пен 64 ки­ло­­дағы Ержан Ордабаев өз­дері­нің ширек финалдан бас­талған бірінші ұрыс­тарында жеңі­ліске ұшырады. Олар тиісінше Малик Нагим мен Мгер Оганесянға 0:3 есебімен жол беріп қойды. Қыздар арасынан 60 кг сал­мақ­­тағы Назым Ишанова қола жүл­дегер болды. Ол өзінің бірін­ші шайқасында поляк Анета Ригиел­сканы 2:0 етіп ұтса, екіншісінде тай Рагуадарорн Саотодан 1:2 болып ұтылды. Ал қалған екі қызымыз – 51 килодағы Балауса Мұздыхан бірінші айқасында ресейлік Светлана Сольяновадан, 75 кг салмақтағы Зура Хусаинова ирланд Кристине Дезмондтан 0:3 болып жеңіліп қалды. Нәтижесінде Қазақстанның сту­денттер құрамасы командалық есеп­те екінші орынға орналасты. Бірін­ші орынға қоржынына 3 алтын, 4 күміс және 3 қола медаль түскен Ресей құрамасы шықты. Үшін­ші сатыға 2 алтын және 2 қола медальді Таиланд жайғасты. Серік ПІРНАЗАР, «Егемен Қазақстан»