Олимпиада жүлдегері

оқушыларға сабақ берді Қарағандылық балуан қыз, Рио-2016 Олимпиадасының қола жүлдегері Эльмира Сыздықова  «Samruk-Kazyna Trust» әлеуметтік жобаларды дамыту қоры аясындағы «Физкульт-Ура!» бірегей жобасының қатысушысы атанды. Жақында ол осы шара шең­берінде Қарағандыдағы №45 гимназияда оқушы балаларға дене­шынықтыру пәнінен сабақ берді. Олимпиада жүлдегерінің айтуынша, «Физкульт-Ура!» жобасына дейін мектепке барып, аталған пән бойынша балаларға дәріс берем деген ой үш ұйықтаса түсіне кірмепті. Дегенмен, оның бір кездері әйелдер күресі бойын­ша жаттықтырушы болып, бал­дыр­ғандарды жарты жылдай күрес өнерінің қыр-сырына үйреткен тәжірибесі бар екен. – «Физкульт-Ура!» өте керек және пайдасы мол жоба, –  дейді Эльмира. –  Мен сабақ берген 7-сыныптың оқушылары қазірдің өзінде тұлға ретінде қалыптасып үлгерген  буын. Олардың бәрінен бірдей спортшы шықпасы белгілі. Дегенмен, біз үшін балалардың саламатты өмір салтын ұстанып, дені сау ұрпақ болып өскені әлдеқайда маңызды. Білім ошағындағы ша­ра барысында өскелең ұрпақ ара­сында спортты насихаттап жүр­ген балуан қыз өзінің бола­шақтағы жос­парларын да ортаға салды. Со­ның ішіндегі маңыз­дыларының бірі – Эльмира балуанның төрт жыл­дан кейін болатын Токио-2020 Олим­пиадасына қатыссам деген ниеті бар екен. Қайрат ӘБІЛДИНОВ, «Егемен Қазақстан» ҚАРАҒАНДЫ