Театрға толымды тарту

Алматы қаласының әкімі Бауыржан Байбек М.Әуезов атындағы Қазақ мемлекеттік академиялық драма театрының «Сыған серенадасы» спектакліне көрермен болып келіп, театр ұжымын қуанышқа кенелтіп қайтты. Сахнаға көтерілген қала әкімі театрдың 90 жылдық мерейтойымен құттықтай келе, өнер ұжымына су жаңа Hyundai микроавтобусын сыйға тартты. «Қазақ өнерінің қара шаңы­рағы М.Әуезов атындағы Қазақ мем­лекеттік академиялық драма театрын 90 жылдық мерей­тойымен шын жүректен құттық­таймын. Өз тара­пымыздан сіз­дердің әрбір бас­тамаларыңызға қол ұшын бе­руден аянбаймыз. Биылғы жыл мерейтойларға толы болды. Тек мерейтойлар легінің өзі 20-ға жетті. Құрылғалы бері көрерменге 465 қойылым ұсын­ған театр әр маусымда 45 спектакль ұсынып, оны 100 мыңға жуық өнерсүйер қауым тамашалады. 91-маусымнан бастап өзінің ғасырлық белесіне беттеген ұжымға шығармашылық табыс пен шабыттың шырқауын тілеймін. Өнер ордасының биыл­ғы мерейтойына орай теа­тр ұжы­мына 12 орындық жаңа Hyundai микроавто­бусын сыйға тар­туды ұйғар­дық», деп қала әкімі көлік кілтін театр директоры Ерлан Бі­ләловке табыстады. Қаладағы әр түрлі мекеме ұжы­мымен, мектеп, жоғары оқу орындары студенттерімен кездесуге, гастрольдік сапарларға жиі шығатын театр әртістеріне көлік зәрулігі бұрыннан сезілетін. Қара шаңырақ театр еліміздегі ең үлкен өнер ордаларының бірінен саналса да, талай жылдан бері шығармашылық топ алыс-жақын елді мекендерге гастрольдік сапар­ларға шыққанда көлік жағы­нан қиналып келе жатқаны рас. Бір облыстың көлемінде кемі екі-үш ауданды аралап, келесі көрші облысқа аттанып кетуіне тура келетін кез жиі болады. Сондай уақытта актерлардың жүріп-тұ­руы­на ыңғайлы дербес көліктің қажеттілігі тіпті, байқала түсетін. Театр ұжымының көп жыл­ғы тілегі мен зәрулігін ес­керіп, өнерге қолдау танытып, қала тұрғындарының атынан көлік сыйлаған Бауыржан Қыдыр­ғалиұлының сыйлығына әртістер балаша қуанды. Театр директоры Е.Біләлов талай жылғы мұқ­таждықтың орны толып, оң­тайлы шешімін тапқанына ұжым атынан алғысын білдірді. Айгүл АХАНБАЙҚЫЗЫ, «Егемен Қазақстан»   АЛМАТЫ