Омбудсмен өңірлік өкілмен кездесті

Астанада Қазақстан Республикасындағы Адам құқықтары жөніндегі уәкіл (Омбудсмен) Асқар Шәкіров БҰҰ-ның Орталық Азиядағы Адам құқықтары жөніндегі Жоғарғы комиссарының өңірлік өкілі Рышард Комендамен кездесті, деп хабарлады Қазақстан Республикасындағы Адам құқықтары жөніндегі уәкілдің баспасөз қызметі. Кездесу барысында ұлттық құқық қорғау мекемесінің инс­титуттық дамуы, осы сала­дағы заңнаманы жетілдіру сала­сын­дағы екіжақты ынты­мақ­тастық мәселелері талқыланды. Омбудсмен адам құқық­тары мен бостандықтарын іл­герілетуде оңтайлы нәтижелер мен тұрақтылыққа қол жеткізуге мүмкіндік беретін БҰҰ басты құрылымдарының бірімен көп жылдық тиімді өзара қарым-қатынастарын атап өтті. Бірлес­кен бағдарламалар мен іс-шараларды жүзеге асыру құқық қорғау қызметінің қазақстан­дық тәжірибесін, Қазақстанда да, одан тысқары жерлерде де оның жетістіктерін көрсету мүмкіндігі қамтамасыз етеді. Өз кезегінде, Р.Коменда мыр­за Омбудсмен мекемесінің адам құқықтарын қорғаудағы мемлекеттік тетіктегі рөлін оң баға­лай келе, қазақстандық ұлт­­тық құқық қорғау институты қазіргі уақытта мемлекеттік орган­дар мен азаматтық қоғам ара­сындағы медиатор орнында нық отырғанын атап өтті. Тараптар ынтымақтас­тық­тың алдағы уақыттағы ба­сым ба­ғыт­тары мен перспективалары ту­ралы, атап айтқанда, Ұлттық құ­қық қорғау мекемелерінің Азия-Тынық мұхиты форумы мен басқа да бірлескен жобалар шең­беріндегі ынтымақтастығы тура­лы ой-пікірлерімен алмасты.