Л.Н.Гумилев атындағы Еуразия ұлттық университетінде Астана қаласы Қазақстан халқы Ассамблеясының қоғамдық құрылымдары мен елдегі этномәдени бірлестіктердің өкілдері «Жас Отан» жастар қанатының мүшелерімен кездесті.
Шараға Парламент Мәжілісінің депутаттары, Қазақстан халқы Ассамблеясы Қоғамдық келісім кеңестерінің мүшелері, жастар ұйымдарының жетекшілері, сарапшылар қатысты.
Кездесу барысында Елбасының «Қазақстанның Үшінші жаңғыруы: жаһандық бәсекеге қабілеттілік» атты Қазақстан халқына Жолдауы, сондай-ақ, Мемлекет басшысының конституциялық реформасы бойынша ұсыныстар әзірлеу мәселесі талқыланды.
Шараға қатысушылар саяси жүйені жаңғырту – бұл мемлекеттілікті нығайту, биліктің үш тармағының өзара оңтайлы іс-қимыл жасауы және олардың әрқайсысының жауапкершілігін арттыру арқылы жүзеге асатын үдеріс екенін жеткізді. Сонымен қатар, олар мемлекеттік билік жүйесін реформалау үшін Бес институттық реформаны іске асыруға қолайлы жағдайларды қамтамасыз етуге мән беру қажеттігіне тоқталды.
Бұл күнгі жиын аясында Үкіметтің және атқарушы биліктің Парламент пен жергілікті өкілетті органдардың алдында есеп беру тетігін күшейту мәселесі қаралып, бұл өз кезегінде Қазақстанды демократия жолында одан әрі сенімді түрде ілгерілету бойынша жасалатын оң қадам екені айтылды. Сондай-ақ, жалпы, мемлекеттік билік жүйесіне жасалатын реформаның негізінде қазіргі заманның жаһандық және өңірлік сын-қатерлерінің алдын алу жолдары қарастырылатынына назар аударылды.
Ләйла ЕДІЛҚЫЗЫ,
«Егемен Қазақстан»
Соңғы жаңалықтар
Президент Жоғары Еуразиялық экономикалық кеңестің шағын форматта өткен отырысына қатысты
Президент • Бүгін, 20:07
Атырауда әскери бөлімнен қару алып шыққан сарбаз қамауға алынды
Аймақтар • Бүгін, 19:03
Қонаевта көлігіне итті байлап сүйреген адам жазаланды
Қоғам • Бүгін, 17:51
Түркістан облысында жаппай төбелес болды
Аймақтар • Бүгін, 15:43
Басты міндет - «Көрінбей көру, өлмей келу»
Әскер • Бүгін, 14:57
Бұқпа өзенінің арнасы тазаланды
Аймақтар • Бүгін, 13:15
