Орталықтың жұмысымен танысты

Парламент Сенаты Әлеуметтік-мәдени даму және ғылым комитетінің төрайымы Бірғаным Әйтімова бастаған комитет мүшелері «Ұлттық нейрохирургия орталығы» акционерлік қоғамында болды, деп хабарлады Парламент Сенатының баспасөз қызметі. Кездесуді аша келіп, Б.Әйтімова Қазақстан Президенті Нұрсұлтан Назарбаев жария еткен 5 институт­тық реформаны орындау жөніндегі «100 нақты қадам» Ұлт жоспарын жүзеге асыруда Парламент қажетті заңнамалық база қалыптастырғанын атап өтті. Б.Әйтімова сондай-ақ, Парла­мент алдында Мемлекет басшы­сының «Қазақстанның Үшінші жаң­ғыруы: жаһан­дық бәсекеге қабі­леттілік» Жол­­­дауындағы бар­лық басым­дық­тар­­ды іске асыру аясында ауқымды әрі жауапты жұмыстар тұрғанын атап өтті. Сенатор сырқаттарға жоғары білік­ті нейрохирургиялық көмек көрсетудегі орталықтың елеу­лі үлесіне тоқталып, комитет мүше­лерінің осы сапары міндетті әлеу­­меттік меди­цина­лық сақ­тандырудың жаңа үлгісін енгізудің қарсаңында ден­саулық сақтау саласындағы мекеме­лер­ді таныстыру шараларының бір бөлігі екенін айтты. Бұрын комитет Әлеу­меттік медициналық сақтандыру қоры­ның басшылығымен кездесу ұйым­дастырған болатын. Кездесу барысында «Ұлттық нейрохирургия орталығы» акционер­лік қоғамы басқармасының төрағасы Серік Ақшолақов орталықтың жұ­мысы туралы әңгімеледі, депутаттар балалар нейрохирургия­сы, реанимация және интенсив­тік емдеу, орталық жүйке жүйесі­нің патологиясы, госпитальдық фар­мация, антиографиялық операция бөлімдерінде, сондай-ақ, тренинг орталығында болды. Кездесу барысында егжей-тег­­­жей­­лі пікір алмасу болды. Сена­­­тор­­лар денсаулық сақтау са­ла­­сы­ның алдында тұрған жекеле­ген мә­се­ле­лерге тоқталды. Сенат де­пу­таттары А.Бижанов, Ә.Бектаев және Ж.Ерғалиев өз ойларын ортаға салды.