Балдырғандарға шаттық сыйлаған шара

«Әлемдегі барлық бала бір тілде күледі» деген қанатты сөз бар. Кеше елордадағы «SOS балалар ауылында» балдырғандарға шаттық сыйлаған ерекше шара өтті. Алғыс айту мерекесіне орай ұйымдастырылған шара барысында, «Астана Моторс» компаниясы балалардың игілігі үшін үш бірдей шағын автобус­ты сыйға тартты. «SOS балалар ауылын­дағы» балдырғандар құрмет­ті қонақтарды құшақ толы гүлдерімен, ыстық ықылас­тарымен қарсы алды. Бүл­діршін­дерге қуаныш сыйлайтын шараға мұрындық болған Пар­ламент Сенатының Халық­ара­лық қатынастар, қор­ға­ныс және қауіпсіздік коми­теті­нің төрайымы Дариға Назар­баева, «Астана Моторс» ком­па­ния­сының президенті Нұрлан Смағұлов, «SOS балалар ауылы» корпоративтік қоры Қам­қор­шылық кеңесінің төраға­сы Серік Сейдуманов және басқа да мей­мандар балдыр­ғандар­дың пейіліне разы болып, толқы­ған­дары жүздерінен көрініп тұрды. Балалардың қуанышын бөлі­суге келген сенатор Дариға Назарбаева: – Бүгін баршамыз өте қуа­нышты, шуақты шараға куә болып отырмыз. Бүгін біз бір-бірі­мізді қуантып, алғыс айтамыз. Қымбаттыларым менің, біз бірге болсақ, бір-бірімізге мейірімді болсақ, алынбайтын қамал жоқ. Ешқашан кері шегінбеу керек. Ешқашан мұңаймау керек. Сендер – бізге, біз – сендерге демеу болу­ға тиіспіз, – деді. – Бүгінде қан­шама ұлт өкілдері кең-байтақ ел­і­мізді мекендеп, бақытын тап­ты. Сол үшін олар қазақ отбасы­ларына алғыс білдіреді. Осы орай­да, Президентіміз көктемнің алғашқы шуақты күнін Алғыс айту күні ретінде мемлекеттік мереке етіп бекітті. Біз сіздерді Алғыс айту күнімен шын жүрек­тен құттықтаймыз. Осылай деген Дариға Назар­баева оларға көліктердің кілтін ұсынды. Сонымен қатар, се­на­тор қазақстандағы «SOS бала­лар ауылдары» қорының құр­мет­ті президенті, осы балалар ауыл­дарының ашылуына себеп­кер болған адам – анасы Сара Алпысқызының балалар мен тәрибешілерге арнаған ыстық сәлемін жеткізді. Сара Ал­пыс­қызы бұл балаларды ұмыт­па­ғанын, үнемі есінде сақтайтынын, балалардың ортасына жақында өзі келетінін айтты. «Астана Моторс» компания­сының президенті Нұрлан Смағұлов айтқандай, отандық үш автокөліктің біреуі Астанадағы балаларға арналса, қалған екеуі Алматы мен Теміртау қала­ларындағы «Балалар ауылдарына» жіберілмек. Бір айта кетерлігі, құрыл­ға­н­ы­на биыл 25 жыл толатын ком­­пания алдағы уақытта қайы­рым­дылық мақсаттағы шара­лар­дың легін жалғастыра бер­мек. Компания президенті бала­лар­ды жақында елордада ашы­ла­тын «Мега» сауда, ойын-сауық ор­талығында қыдыртып, орталық­тың балаларға арналған барлық қы­зық­тарын көрсетуге уәде берді. Балдырғандар сый-сияпатқа мәз-мейрам болып қуанып, өздерінің ақ тілектерін ақтарды. Сегіз жасар Ескендір: – Біз енді сабаққа, секция­ларға, басқа жерлерге осы маши­намен барамыз. Қаланың әдемі жерлерін аралаймыз, – деді. Балалар мерекеге орай ар­найы концерттік бағдарлама әзір­лепті. Ән шырқап, би би­леп, өнерлерін ортаға салды. Құр­метті қонақтарға арнаған сый-сия­паттары да бар екен. Олар тәр­бие­шілерімен бірлесіп жаса­ған фотоа­льбомды Дари­ға Назар­баеваға ұсынды. ЭСКПО-2017 халықаралық көр­ме­сінің бойтұмарларының жұм­сақ мүсіндерін басқа да мейман­дарға тарту етті. Елімізде «SOS балалар ауыл­дарының» ашылғанына биыл 25 жыл толады. Осыған орай, алдағы жазда көлемді шара өткізуді жос­­парлап отыр­ған «Бала­лар ауыл­дары­ның» кіш­кентай тұрғын­дары мен тәрбиешілері құрметті қо­нақ­­тарды сол шараларға келуге шақырды. Арнұр АСҚАР, «Егемен Қазақстан» Суретті түсірген Ерлан ОМАРОВ, «Егемен Қазақстан»