«Ньюкасл» ойыншысы ерекше гол соқты (видео)

«Ньюкасл» футбол клубының жартылай қорғаушысы Мұхаммед Диаме ерекше гол соқты. Бұл сәт ағылшын Чемпионшипінің (Англияның екінші дивизионы) 28-турында «Брайтон» командасына қарсы матчта болды. Бұрыштама добынан кейін Кристиан Дитсу қақпаға дұрыс соққы жасай алмаған, алайда, доп әріптесінің аяғына тиіп, артынша қақпаның торынан бір-ақ шықты. «Сәттілік деп осыны айт. Бұл тарихи сәт!» – деп жазды Eurosport UK. Айта кетейік, Мұхаммед Диаменің голы командасының жеңіске жетуіне септігін тигізді. 80-минутқа дейін Рафаэль Бенитес шәкірттері 0:1 болып ұтылып жатқан, соңында 2:1 есебімен жеңіске жетті.