Головкин мен Джейкобс жекпе-жегінің Қазақстанда өтетін уақыты нақтыланды

АҚШ-тың Нью-Йорк қаласындағы Madison Square Garden аренасында 18 наурыз күні ұйымдастырылатын бокс кешінің Қазақстанда өтетін уақыты нақтыланды. Бұл күні орта салмақта WBA (Super), IBO, WBC және IBF тұжырымдары бойынша қазақстандық Геннадий Головкин (36-0, 33 КО) мен WBA (Regular) белбеуінің иегері америкалық Дэнниэл Джейкобс (32-1, 29 КО) шаршы алаңға шығады. Астана уақыты бокс кеші 19 наурыз күні 08:00-де өтеді. Елімізде бұл кешті «Қазақстан» және «KazSport» телеарналары тікелей эфирде көрсетеді.