Ертісте мейрамхана жүзіп жүр...

Иә, дәл солай. Өскемендегі Ертіс өзенінің жағасындағы кеме үстінде орналасқан «Арабелла» мейрамханасы суда жүзіп жүр. Жүзгенде, еріккеннен жүзіп жүрген жоқ. Мейрамхананы жағамен жалғастырып тұрған темір арқан сыр беріп, үзіліп кетсе керек. Темір арқан неге үзілді? Бұған не себеп болды? Ол жағы әзірге беймәлім. Мән-жайды білмек ниетпен мейрамхана әкімшілігіне хабарласып едік. Мандытып жауап бермеді. «Бәрі жақсы, бәрі дұрыс» деп қысқа қайырды. Азамат ҚАСЫМ, «Егемен Қазақстан» ӨСКЕМЕН Суретті түсірген Мәнап МҰРЗАТАЕВ