Головкин: Өзіңді мықты жағынан көрсетсең, ешкім жекпе-жекке шыққысы келмейді

Орта салмақта WBA (Super), IBO, WBC және IBF тұжырымдары бойынша қазақстандық Геннадий Головкин (36-0, 33 КО) WBA (Regular) белбеуінің иегері Дэниэл Джейкобспен өтетін жекпе-жегі жайлы пікір білдірді.  Бұл туралы vesti.kz хабарлайды. «Маған ескі мектеп ұнайды. Кейде мен ерекше бір жекпе-жек ұйымдастырғым келеді. Ылғи мықты қырымнан көрсете берсем, жұдырықтасуға ешкім шықпайды», – деді қазақстандық боксшы. «Джейкобс менен қорықпайды, себебі бұл – бокс. Ол өз міндетін, шама-шарқын жақсы біледі. Бізді тартысқа толы жекпе-жек күтіп тұр. Бұл екеуіміз үшін нағыз сын сағаты болмақ», – деп жазады Boxingnews24.com. Бұған дейін GGG Джейкобсқа қарсы кездесуде жанкүйерлеріне үлкен сый жасайтынын, сондай-ақ, Джейкобсты тізе бүктіру үшін барын салатынын мәлімдеген. Айта кетейік, қос боксшының арасындағы айқас 18 наурыз күні АҚШ-тың Нью-Йорк қаласындағы Madison Square Garden аренасында өтеді. HBO телеарнасы ақылы трансляция жүйесі арқылы таратса, елімізде бұл кешті 19 наурызда 08:00-де «Қазақстан» және «KazSport» телеарналары тікелей эфирде көрсетеді.