Білім министрі мұғалімдердің жалақысын көтермек

ҚР Білім және ғылым министрі Ерлан Сағадиев мұғалімдердің жалақысын көтеруді қолға алмақ, деп xабарлайды ҚазАқпарат. «Педагогтардың жалақысы тым төмен екендігімен келісемін. Біз бұл бағытта жұмыс жасап жатырмыз. Барлық жаңашылдықтарды педагогтармен бірге талқылайтын әдетіміз бар, сондықтан қаржылық мәселелерді де мұғалімдермен, Үкіметпен және Мәжіліспен бірге талқылайтын боламыз. Біз 2017 жылғы бюджетте педагогтардың жалақысын көтере аламыз деп үміттенемін. Педагог мамандығы әжептәуір беделді болады», - деді ол. Оның сөзінше, жақын жылдары Қазақстан үшін балабақша, мектеп пен жоғары оқу орындарына қосымша 200 мың педагог қажет болады. «Бұл жыл сайын жаңа жұмыс орнын ашатын салаға айналады», - деді министр.