Дипломатиялық өкілді қабылдады

Сенат Төрағасы Қасым-Жомарт Тоқаев Ватиканның Қазақстандағы Апостол Нунцийі Фрэнсис Ассизи Чулликатты қабылдады, деп хабарлады Сенаттың баспасөз қызметі. Қ.Тоқаев биыл Қазақстан мен Киелі Тақ арасындағы дип­ло­матиялық қатынастар орна­ғанына 25 жыл толатынын атап өтті және біздің еліміздің Вати­канмен өзара іс-қимылы мен өзара түсіністіктегі жоғары дең­гейі туралы ризашылықпен айтып берді. Кездесу барысында Әлемдік және дәстүрлі діндер лидерлері Хат­шылығының алдағы 18 мамыр­дағы отырысының мәсе­ле­­лері қаралды. Астанада 2018 жы­лы өтетін VI Съездің күн тәрті­­бін қалыптастыруға Рим-като­­лик шіркеуінің белсен­ді қаты­­суының маңызы атап өтілді. Жүздесушілер биыл­ғы қыр- күйектің басында ЭКСПО-2017 халықаралық көр­ме­сінің аясында түрлі конфес­сиялардың діни қайраткерлерінің қатысуымен бірлескен шара өткізу туралы әңгіме өрбітті. Сенат Төрағасы Апостол Нунцийін біздің еліміздегі конс­титуциялық реформа туралы хабардар етті. Ф.А.Чулликатт өз кезегінде: «Біз Қазақстандағы жаңа саяси реформаларға қолдау білдіреміз. Сіздердің елдеріңіз аймақтағы демократиялық да­мудың үлгісі болып табылады. Тәуелсіздіктің ширек ғасы­рында Қазақстан ауқымды істер атқарды, дамуда зор жетістіктерге жетті», деп атап өтті.