Бюро отырысы өтті

Мәжіліс Төрағасы Нұрлан Нығматулиннің басшылығымен палатаның бюро отырысы өтті. Онда алдағы жалпы отырыстың күн тәртібі нақтыланды, деп хабарлады Мәжілістің баспасөз қызметі. Ол бойынша Мәжіліс де­пу­таттары Сербиямен халық­аралық автомобиль қатынасы туралы үкіметаралық келісімді ратификациялау туралы заң жобасын қарамақ. Келісім Қазақстан мен Сербия арасындағы халық­ара­лық автомобиль қатына­сында жолаушылар мен жүк­тер­дің тасымалын, олар­дың аумақтары арқылы транзитті, сондай-ақ, осындай тасы­мал­дарды орын­­­дауға рұқсат беріл­ген тасы­мал­­дау­шы­лардың жоға­рыда атал­ған мемлекеттердің аумақ­тарында тіркелген көлік құрал­дарымен үшінші елдерге тасымалдарын реттейді. Сондай-ақ, жалпы отырыс­та депутаттар мәдениет мә­селе­леріне түзетулерге қатыс­ты заң жобасын екінші оқы­лымда қарайды деп күтілуде.