Кездесуде А.Вучичке Қазақстан Президенті Нұрсұлтан Назарбаевтың биылғы 2 сәуірде Сербияда болған президенттік сайлауда жеңіске жетуіне орай құттықтау хаты тапсырылды.
Қазақстандық дипломат сұхбаттасушысын Президент Н.Назарбаевтың «Қазақстанның Үшінші жаңғыруы: жаһандық бәсекеге қабілеттілік» атты Жолдауында баяндалған еліміздің даму басымдықтарымен егжей-тегжейлі таныстырды, аталған құжаттың серб тіліндегі мәтінін табыстады, сондай-ақ, конституциялық реформаның қорытындысымен және Мемлекет басшысының «Болашаққа бағдар: рухани жаңғыру» бағдарламалық мақаласының негізгі тезистері туралы хабардар етті.
А.Вучич өткен жылы Қазақстан Президентімен болған кездесуі туралы жылы лебізін білдірді. Ол 2016 жылғы қарашада Астанада ресми сапармен болған кезінде Қазақстан елордасының даму қарқынына көңілі толғанын атап өтті.
Президент Н.Назарбаевтың сындарлы саясаты Қазақстанды беделді әрі халықаралық қоғамдастыққа танымал етуді қамта-
масыз еткені атап өтілді. Бұдан бөлек, Сербияның Қазақстанды өзінің өңірдегі маңызды әріптесі ретінде қарастыратыны және өзара тиімді негізде ұзақ мерзімді қарым-қатынастарды белсенді түрде дамытуға мүдделі екені сөз болды.
Сонымен қатар, Н.Рүстемов Сербияның іс басындағы Президенті Томислав Николичпен кездесті. Кездесуде сұхбаттастар екіжақты ынтымақтастықтың өзекті мәселелерін, Қазақстанда болып өткен конституциялық реформа қорытындыларын, Президент Н.Назарбаевтың «Қазақстанның Үшінші жаңғыруы: жаһандық бәсекеге қабілеттілік» атты Жолдауының негізгі ережелері мен «Болашаққа бағдар: рухани жаңғыру» бағдарламалық мақаласын талқылады, деп хабарлады Сыртқы істер министрлігінің баспасөз қызметі.