Бұл Астана процесінің маңызы зор екендігін көрсетеді. Керек десеңіз, Астана процесі Женева келіссөздерімен салыстырғанда нәтижелі деуге болады.
Сириядағы соғыс 2011 жылдан бері толастамай тұр. Оны тоқтату келіссөздердің әлі біраз раундын қажет етеді. Өкінішке қарай, Таяу Шығыста қақтығыстардың одан әрі жалғаса беруіне мүдделі топтар бар, сол себепті, мәселені бейбіт жолмен реттейтін деңгейге жету үшін әлі бірталай уақыт керек болуы мүмкін.
Сирия үкіметіне қарсы оппозициялық топтардың бір бөлігінің бітімге келуге, мәселені бейбіт жолмен шешуге мүдделі екендігі байқалады. Бұл, бір жағынан, Сирия, Иран, Түркия сынды елдердің бір-бірімен қайшы келу мүмкіндігін азайтады. Бұл – өте жақсы нәтиже, себебі, бәрі бір-біріне қару кезенетін жағдайға жетсе, ахуал ушығып кетуі мүмкін. Астана процесі Түркия, Иран, Ресей елдеріне Сириядағы атыс режімін тоқтату бойынша іс-қимылдарын өзара үйлестіріп отыруға мүмкіндік берді.
Марат ШИБҰТОВ,
саясаттанушы
