«Менің Қазақстаным» пойызы алғашқы сапарын қорытындылады

Ел Тәуелсіздігінің 20 жылды­ғы­на орай халықты ән-жырмен сусын­да­тып, тұрғын­дармен жүздесіп, олар­ға заң­дық кеңестер беру мақ­сатымен Астанадан шыққан «Ме­нің Қазақ­станым» арнайы пойызы Шы­ғыс Қазақстан облысының Семей қала­сы мен Павлодар облы­сының Ақсу қа­ларында болып, өз сапарын абы­рой­мен аяқтады. Бұл жерлерде де олар­­­ды жергілікті қо­нақжай жұрт­шы­­лық асқан құр­метпен қарсы алды. Пойыз Семей вокзалына келгенде кимешек киген әжелер қа­зақы дәстүр бойынша шашу ша­шып, ерекше ілтипат көрсетсе, «Абай» журналының бас редак­торы, ақын Мұратбек Оспанов қонақтарға жыр арнады. Үгіт-насихат пойызындағы ке­ңес берер сала өкілдері бұл жерде де өздерінің жұмыстарын абырой­мен атқарды десек, жаңылыс­пас­пыз. Қо­ғам­дық қабылдау­лардағы тұрғын­дар өтініштері мен ұсы­ныс­тарының әр­қай­сысына ыжда­ғат­тылықпен қарап, оларға барын­ша түсінікті тілде жауап берудің оңай шаруа емес екендігін ескерсек, оларға алғыстан басқа не ай­туға болады. Ал, халықтың көңі­лін көтеріп, бір мезгіл серпілулеріне негіз болатын өнер саңлақ­тары­ның орнын ерекше атаған жөн. Шежіреге толы көне шаһар Семейдегі халық белсенділігі кімді де болмасын таңдандырмай қой­май­ды. Олардың өнер саласының қай түріне де асқан құрметпен қарай­тыны қуан­тады. Мәселен, қаладағы «Дастан» және «Еңлік- Кебек» кино­театр­ларында көрсетіл­ген Рүстем Әбдіра­шев­тің «Балалық шағымның аспаны» мен Данияр Саламатовтың «Бәйтерек» фильмдеріне келген жұрттың залдарға сыймай, біразы сыртта тұрғанды­ғын айтсақ та жеткілікті. «Қазақ­фильм» АҚ қызмет­кері Мүсілім Күнгүров бұрын- соңды мұндай иін тірескен халықты көрмегенін айтып тамсанды. Кешкісін «Спартак» стадионын­да концертке жиналған қала халқы мен қо­нақ­­тарының аса көп болуы таңда­нар­лық­тай еді. Бұл жайында өнер тар­­лан­дарының да риза екендіктерін де айтқан абзал. «Кешегі Аягөздің орта­лық алаңына жинал­ған халықта есеп болмады. Бұл бір жағынан, өнерге деген ел құрметі десек, екіншіден, Тәуел­­сіздіктің 20 жылдығына деген қуа­ныш сезімі деп ұқтым. Абай, Шә­кәрім, Мұхтар сынды алыптарды өмір­­ге әкелген қасиетті Семей жерінде қойған бұл концертке ел ықы­ла­сы­ның ерекше болғаны бізді аса қуант­ты», – дейді Халық әртісі, Мемлекеттік сыйлық­тың лауреаты Алтынбек Қо­разбаев. Сондай-ақ атал­­ған кон­церт­­те Нұр­ғали Нүсіп­жанов, Майра Мұхам­мед­қызы, Мақ­пал Жүнісова, Сем­бек Жұмағалиев секілді әйгілі әр­тіс­термен қатар, өзге де есімі елімізге белгілі әншілер мен «Әлқис­са» фоль­клорлық ансамблі және «Гүлдер» ән-би ансамблі қала тұр­ғындары мен қонақтарын әсем әндерімен сусындатты. Ақсу қаласы да қонақтарды сал­танатты жағдайда күтіп алды. Қала әкімінің міндетін атқарушы Балтабай Ақжанов арнайы келген пойыз делегациясына ризашылығын білдірді. Биыл бұйыртса, қазан айында құрыл­ғанына 50 жыл болатын Ақ­су қаласында 40 мыңдай халық тұ­ра­тын болса, жалпы, ауылдық ай­мақ­­тарды қосқанда 70 мыңнан асып жығылады екен. Таза да әсем шаһар­дың тыныс-тіршілігі ерекше. Қала­да­ғы орталық көшелердің бірі Астана деп аталады. Бұл елордамы­з­дың 10 жылдық ме­рей­тойына орай берілгенін айтады қа­ланы қонақтарға таныстырушылар. Арнайы сала мамандары қа­тысқан қоғамдық қабыл­дау­лар бұл қалада да жақсы деңгей­де өт­ті. Тұрғындар өздерін толған­дыр­ған мә­се­лелерде біршама мағ­лұ­мат­тар­дан хабардар болғандарын айтып жатса, мамандар да жұр­шы­лықтың белсенділіктері жоғары бол­ғанды­ғын жеткізді. Осы күні түске дейін де, түстен кейін де кеңес сұ­рай кел­гендердің қарасы мол бол­ға­нын айтады олар. Осы ретте «Нұр Отан» ХДП Орта­лық аппаратының ар­найы өкілі, академик Қазбек Қаз­кеновтің қалалық мәдениет үйінде өткізген арнайы лекция­сын жинал­ған­дардың асқан қызығушы­лықпен ықылас қоя тың­дағанын айтпай кетуге болмас. Ән мен әншіні сағынған қала тұр­ғындары кеше кешке «Дос­тық» ста­дионында өнер саңлақ­тары­ның концертін тамашалап, ерекше күйге бөленді. «Менің Қазақстаным» арнайы пойызы бүгін Астанаға келеді. Әбдірахман ҚЫДЫРБЕК. Суретті түсірген Құралай ШЕРИЯЗДАНОВА.