Хост-бродкастер барлық 93 күн бойы Көрме аумағынан телевидение және радио арқылы хабар тарататын болады. «Қазақстан» телеарнасы шараның басынан аяғына дейін тікелей көрсетілім жүргізеді. Телевизиялық сигнал алдын ала берілген өтінімдер бойынша Көрменің Медиа Орталығына, ҚМО және шетелдік ақпарат құралдарына беріліп отырады.
Күн сайын Халықаралық Көрме аумағында 10 және 5 камера жұмылдырылған 4 жылжымалы телевизия стансасы, 2 мобильдік спутник стансасы жұмыс істейтін болады. Жалпы Экспо-2017 көрмесін ақпараттық сүйемелдеуге «Қазақстан» РТРК» АҚ-ның барлық техникасы мен 146 техникалық қызметкері жұмылдырылады.
Сонымен қатар, Live-режимінде шараның ашылу салтанатынан хабар таратуға бірнеше еуропалық және америкалық арналар өтінімдерін алдын ала беріп қойды.
«Астана «ЭКСПО-2017» бродкастингін ұйымдастырудағы басты ерекшелік – тиісті аймақтық телеарналардан бастап, халықаралық телеарналардың барлығы Көрмедегі «картинаны» тегін пайдалана алады.
