Бүгін, 26 желтоқсанда e-gov.kz сайтында ҚИК (Қазақстанның ипотекалық компаниясы) бағыты бойынша 2020 жылға дейінгі Өңірлерді дамыту бағдарламасы аясында тұрғын үй алуға өтініштер қабылдана бастады. Өтініштер 30 желтоқсанға дейін жалғасады, деп хабарлайды krisha.kz.
Сатылатын үйлердің ұзын саны 1 748. Олар Алматы қаласы Алатау ауданы "Алғабас" шағын ауданындағы Атлетикалық ауылда. Соның ішінде:
— 996 бір бөлмелі пәтер (40-45 шаршы метр);
— 560 екі бөлмелі пәтер (50-56 шаршы метр);
— 192 үш бөлмелі пәтер (63-89 шаршы метр).
Пәтерлер 2017 жылғы Универсиада аяқталғаннан кейін беріледі.
Пәтердің шаршы метрінің құны 1 036 теңгені құрайды. Ең ұзақ мерзім 20 жыл болса, 5 жылдан кейін үйді толықтай сатып алуға болады.
Пулға мемлекеттік тұрғын үй қорында кезекте тұрғандар, соның ішінде:
- көпбалалы отбасылар;
- ерлі-зайыптылардың бірі болмаса;
- мүгедек балалар тәрбиелеп отырған отбасылар;
- жетімдер мен ата-ана қамқорынсыз қалғандар;
- оралмандар;
- мемлекеттік қызметкерлер, әскери қызметкерлер, арнайы мемлекеттік орган қызметкерлері, бюджеттік ұйым қызметкерлері;
- I және II топ мүгедектері.
