Екі жасар бала егізін құлаған шкаф астынан құтқарып алды (видео)

АҚШ-тың Юта штатында 2 жасар сәби өзінің егізін құлаған жиһаз астынан құтқарып алды. Бұл туралы BBC News хабарлайды. Оқиғаның қалай болғаны туралы бейнеролик Youtube-та үш күн ішінде миллиондап қаралды. Балалар бөлмесінде екеуден екеу ойнап жүрген егіздер бұрышта тұрған шағын шкафты құлатып алып, біреуі соның астында қалған. Екіншісі бірнеше секундтан кейін комодты  көтеріп, егізінің босап шығуына көмектескен. Сәбилердің ата-анасы бейнероликті жариялау жөнінде біраз ойланып, ақыры басқа ата-аналарға сақтық шаралары үшін көмек болсын деген ниетпен жария еткендерін айтады.