Халықаралық байқауда қазақстандық суретші жеңімпаз атанды

Павлодар қаласы № 1 Балалар көркемсурет мектебінің оқушысы Артем Маринец Чехияда өткен «Лидице» халықаралық балалар шығармашылығы байқауында «Ең үздік сурет» медаліне ие болды, деп хабарлады pavlodarnews.kz. Қалалық білім беру бөлімінің мәліметінше, аталмыш шара соңғы үш жыл ішінде мектептің 150 жас суретшісін баурап алған. «Байқауға 77 мемлекеттен  4-16 жас аралығындағы жеткіншектер 20 мыңға жуық сурет салған. Біздің оқушылар «Мектеп. Білім» тақырыбында 26 жұмыс жіберді. Олардың біреуі өздерінің сыныптарын бейнелесе, енді бірі өз ұстазын түрлі техникаларда гуашь, акварель, фломастер, сиялы графика арқылы ақ қағазға түсірген. 11 жасар Артем Маринец «Оқу оңай емес» тақырыбын таңдады. Ал «Бақылау жұмысы» атты сурет салған 10 жасар Мұхаммад Құсайын «Қорытынды көрмеге қатысушы» дипломымен марапатталды. Олардың жетекшісі – Наталья Шахова», – деді мектеп директоры Ләйла Мағзамова.