Бейінді ведомстволардың басшылары «Халықаралық сауда», «Құрылысқа рұқсат алу», «Электрмен жабдықтау жүйесіне қосу», «Салық салу», «Төлем қабілетсіздігіне рұқсат», «Несиелер алу», «Кәсіпорындар ашу», «Меншікті тіркеу» индикаторлары бойынша «Doing Business» рейтингінде Қазақстан позициясын жақсарту үшін қабылданған реформаларды іске асыру бойынша атқарылып жатқан жұмыстар туралы баяндады.
Айта кету керек, «Doing Business-2017» рейтингінде Қазақстан 41-орыннан 35-орынға көтерілді. 2017 жылғы 27 ақпанда «Doing Business» рейтингінде Қазақстан позициясын жақсарту бойынша түзетулердің бесінші пакеті қабылданды.
* * *
Сондай-ақ, Б.Сағынтаевтың төрағалығымен жетекші отандық ІТ-компаниялардың өкілдерінің қатысуымен «Цифрлы Қазақстан» мемлекеттік бағдарламасы жо-
басының мәселелері жөнінде кеңес өтті.
Кеңес барысында Ақпарат және коммуникациялар министрі Д.Абаев, Ұлттық экономика министрі Т. Сүлейменов, «ARTA Software» ЖШС өкілі Б.Башеев, «Инновациялық технологиялар паркі» АЭА инновациялық компаниялар қауымдастығының президенті А. Қонысбаев, «Элтекс Алатау» ЖШС директоры Н.Жәнібеков, Қазақстандық интернет бизнес қауымдастығының президенті К.Горожанкин, «Open IT» компаниясының басшысы В. Ким, «Бірінші несиелік бюро» бас директоры Р. Омаров, «Flip.kz» интернет-дүкенінің негізін қалаушы А.Соколов, ІТ-менеджерлер қоғамдастығының басқарма төрағасы А.Бишигаев және т. б. сөз сөйледі.
