Ел сенімінен шығу – басты міндет

Осы мақсатты алға қойған облыс басқармасының маманы Нұргүл Бертілеуова ең алғашқы еңбек жолын Ақтөбе қаласындағы №32 мектеп-гимназиясында мұғалім болып бастаған. Ұстаздық еткен 9 жылда толағай табыстарға қол жеткізіп, «Еңбек ерлікке жетелейді» дегендей, жетістік­ті жылдарын ұстаз болудан бастаған. 
Кезінде қалалық, облыстық жыл мұғалімі байқауларында бас жүлдені иемденіп, «Қа­зақ­станның жыл мұғалімі» бай­қауында «Ұлттық дәстүрді насихаттаушы» аталымының жеңімпазы атанған. Ақтөбе қаласы әкімінің «Жыл адамы», «Үздік ұстаз» аталымын иеленген. Оның авторлық бағдарламасының негізінде ашыл­ған «шеберлік-сыныбы» облыс мұғалімдерінің тәжірибе алаңына айналды. 
Жаңашылдыққа, өзге салада өзін сынап көрудегі ұмты­лысы Нұргүлді мемле­кеттік қызметке алып келді. Болашағын осы саламен байланыстырудағы мақ­саты биік. Қазіргі таңда Ақтө­бе облыстық тілдерді дамы­ту басқармасында бас маман болып қызмет атқара­тын оның 10 жылдық еңбек өтілі бар. Мақсаты – мем­ле­кеттік тілдің өзекті мәсе­лелерінің айқындалуына, тіл­дерді дамытудың тың жобаларының жүзеге асуына ықпал ету. Қазақстан Республикасы Тіл туралы заңы және «2011-2020 жылдарға арналған Тілдерді қолдану мен дамытудың мемлекеттік бағдарламасының» мүлтіксіз орындалуын қамтамасыз ете отырып, облыстағы жетекші басылымдар мен электронды бұқаралық ақпарат құрал­дарында мемлекеттік тіл саясатын насихаттау бағытындағы жобалардың жүзеге асуына үлесін қосу. 
Қазіргі таңда мемлекеттік тілді оқытып, мемлекеттік тілді білу арқылы жетістікке жеткен тұлғаларды, ұлттық құндылықтарды насихаттап, PR сипатындағы әртүрлі фор­маттағы жетпіске жуық жобаның тұсауын кескен. 
Үштұғырлы тіл саясатын насихаттау, ілгерілету бағы­тындағы шараларды жүзеге асыруда. Халыққа жақын болу, ашықтық – мемлекеттік қыз­меттің ең басты қағидаты. Осы бағытта басқарманың ресми сайтын, әлеуметтік парақшаларын контентпен тол­тыруда. Бүлдіршіндерге тіл­дерді үйретуді мақсат ететін үш тілдегі «Күншуақ» журналының дайындалып шығуына жетекшілік етіп, «Шетелдегі қазақ диас­пора­лары­мен байланыс» жобасын, латын графикасына көшуді насихаттау жөніндегі шараларды жүзеге асыруда. Аталған жобалар Ақтөбеде бас­тау алып, республиканың өзге де өңірлеріне таралды. 
Жалпы, мемлекеттік тіл сая­саты мемлекеттіліктің ны­ғаюына, елдің қауіпсіздігіне тікелей байланысты. Ұлттық құндылықпен байланысты салада елдің мүддесі мен ұлт игілігі жолында еңбек ететінін мақтан тұтады. Бар бойындағы қабілет-карымын, күш-жі­герін осы саланы дамытуға бағдарлап отырған кәсіби мамандардың қатарында. 
«Өйткені, менің іскерлі­гімнен елімнің ерте­ңі көрінеді»,  дейді Н.Берті­леуова. 
Әрбір мемлекеттің бәсеке­лестікке дайын болуы және оған төтеп беруі мемлекеттік қызметшілердің білімі мен біліктілігіне, отансүйгіштігіне байланысты. Сол себепті де, өз қызметіне адалдық пен белсенді өмірлік көзқарас, жо­ғары жауап­кершілік шынайы­лықты өмірлік ұстанымына айналдырып отыр. Мемлекеттік қызмет саласында азды-көпті жетістігі болса, ол – облыс аумағында тілдік дамуды сипаттайтын көр­сеткіштердің тұрақты өсуі. Оның ішінде Нұр­гүлдің де үлесі бар. Қазақ­стан Рес­публикасы Тәуел­­сіз­дігінің 
25 жыл­дығы қар­­са­ңында мере­келік медальмен ма­рапат­тал­ғаны соның бір айғағы. 
Өмірде адал жар, үш бала­ның анасы. Өмірлік ұста­нымында, кәсібінде алға ұстай­тын құндылықтардан алыс кетпейді. Мемлекеттік қыз­метші болу – зор сенім, құрмет. Мемлекеттік қызметшінің әлеуеті мықты болса, елдің де тұғыры биік. Сондықтан ел мүддесі жолындағы белесте халық сенімінен шығу басты міндетім деп біледі. 

Темір ҚҰСАЙЫН,
«Егемен Қазақстан»

Ақтөбе облысы