Спикердің сөзінше, есепті кезеңнің қорытындылары бойынша Қазақстан аумағында жалпы құны 64,5 млрд теңгенің жүк техникасы мен автобус техникасын қоса алғанда 8 768 автокөлік шығарылған.
«Өнім көлемінің заттай көрінісі өткен жылдың көрсеткішінен 3,6 есе асып түсті. Жеңіл автокөліктер өндірісі 7 779 бірлікке жетіп, 5,3 есе ұлғайды. Автобус техникасын шығару 2017 жылдың қаңтар-маусымы айлары қорытындылары бойынша өткен жылғы көрсеткіштен 4,4 есе ұлғайды. Жүк автокөліктері өндірісі 32,1 пайызға қысқарды», деді Олег Ал-
фёров.
Сондай-ақ, спикер 2017 жылдың маусым айының нәтижелері бойынша автокөліктер шығару 1818 бірлікті құрағанын, ол 2016 жылмен салыстырғанда 2,5 есе өскенін тілге тиек етті.
«Отандық автозауыттардың өнімі жылдың басынан бері 7748 бірлікті құрады, бұл өткен жылдың көрсеткішінен 57,5 пайызға жоғары. Қазавтоөнеркәсіп кәсіпорындарының нарықтық үлесі өткен жылмен салыстырғанда 21,8 пайыздан 37 пайызға жетті. Бұл ретте маусымда бұл көрсеткіш тарихи максимумды жаңартып, 46,9 пайызды құрады», деді спикер.
«КазАвтоПром» қазақстан-
дық атомобиль кәсіпорындары одағы» ЗТБ басқарма төрағасы есептік кезеңнің қорытындылары бойынша 831 автокөлік Қытайға, Ресейге, Белоруссияға және Тәжікстанға экспортқа жөнелтілгенін жеткізді. Сонымен қатар, ол экспорттық жеткізілімдердің көшбасшысы Lada бренді болып тұрғанын айтып өтті.
«Оған 696 шетелдік сатып алушы ықылас білдірді. Қазақстандық автоэкспорт құрылымындағы Hyundai және JAC маркілеріне де қызығушылық жоғары», деді спикер.
Рауан ҚАЙДАР,
«Егемен Қазақстан»
