Мен қоғамды жаңғырту ең әуелі білім саласына көңіл бөлуден басталатынына толықтай қосыламын. Президент Нұрсұлтан Назарбаевтың аталған салаға қойған міндеттері қоғамды қалай дамытудың, білім мен тәжірибені ұштастырудың, әлемнің озық университеттеріне жол ашудың жарқын үлгісі. Ал қоршаған ортаны қорғау, Арал теңізін бейберекет қолдануға тыйым салу Қазақстан жаңғыруының басты қадамдарының қатарында. Табиғат – өмір нәрі, онсыз адамзат болмас еді.
Қазақ әліпбиінің латынға ауысуы, қазақ әдебиетін шетелге тарату, қазақ авторларының туындыларын БҰҰ-ның ресми тілдеріне аудару, «Қазақстанның 100 жаңа есімі» жобасы елді әлемнің бірегей дамушы мемлекеті ретінде көрсетудің бірден-бір үлгісі. Тарихи жәдігерлерді, мәдени нысандарды және табиғат байлығын көркейту елдегі туристік саланың дамуына сеп болып, қазақ халқының мақтанышына айналатыны сөзсіз.
Президент Нұрсұлтан Назарбаев Қазақстан мен оның халқының жарқын болашағын нақты болжап берді. Ол өркендеуге, өзгеріске, білім саласын дамытуға, мәдениетті, тарих пен қоршаған ортаны қорғауға және ең бастысы, рухани бірлікті сақтап қалуға мүдделі. Қазақстан басшысының елеулі ойлары мақтауға тұрарлық. Стратегиялық мақсаттары Қазақстанды әлемнің дамыған елдері қатарына қосатын осындай көреген басшысы бар қазақ халқы өте бақытты.
Кассиано ПЕРЕЙРА ВИАНА,
«Pereira Viana Advogados Associados» адвокаттық кеңсесінің директоры, «Бразилия – Қазақстан» сауда-өнеркәсіп палатасының президенті