Әшейінде үнсіз ғана ұшқан-ұшпағаны белгісіз көрінетін қарлығаштың көмек сұрағандай болған жалынышты үндері естіледі. Басқа құстардан бір ерекшелігі – жемін ұшып жүріп ұстайды, суды да ұшып жүріп ішеді. Қанаты ұзын, жіңішке, құйрығы екі айыр екендігін білеміз. Ақшыл, арқасы қоңыр, жасыл жылтыр болып келеді. Арктика мен Антарктикадан бастап, Қазақстанда 4 туысқа жататын 5 түрі кездеседі. Қарлығаштардың бәрі жыл құстары. Біздің білетініміз, бұл құстар жылына бір рет қыста түлейді. Екінші жылы ұрпақ береді. Екі-екіден, кейде топтанып шыңға, тік жартасқа, құрылысқа кейде ағашқа жапсыра топырақ пен сазды сілекейімен араластырып ұя салады, балапандарына ыңғайлы болуы үшін ішіне майда шөп пен қауырсын және мамық төсейді.
506-бөлменің есігі ашық тұр. Кезекші қыз кабинетті тазалап жатыр екен. Терезенің желдеткішінің үстіне ұя салған бейқам құстар екен ғой. «Егемен Қазақстанның» тілшілер қосынының шаңырағына ұя салған қарлығаштар ертемен безектеп қызыл шақа балапандарын қорғап жүр. Алдағы жазда амандық болса құстар үш қарлығашқа көбейеді. Бұл жақсылықтың нышаны шығар. Біз соған жорыдық.
Сапарбай ПАРМАНҚҰЛ,
«Егемен Қазақстан»
АЛМАТЫ
