«Биыл «Қазақстанның үшінші жаңғыруын» орындау басталып, осыған сәйкес, Қазақстан өз тарихының жаңа кезеңінің алдында тұрғанын білдім. Жаңару маңызды екі бағытты: саяси реформалар мен экономиканы жаңғыртуды қамтиды. Жоба Қазақстанды әлемнің дамыған 30 елінің қатарына қосуды мақсат етеді екен. Аталған мақсатқа жету жолында ұлттық бірегейлік, тарихи және мәдени тамырын білу, сол арқылы шыққан тегін қорғау және құрметтеу ерекше маңызға ие. Мен сіздің өткенді біліп, тарихты егжей-тегжейлі оқып, дәстүрді сақтап және ата-бабаларды қорғағанда ғана бүкіл жаңғырудың сәтті болатыны жөнінде айтқан пікіріңізбен толықтай келісемін.
Жаңғырудың әр адамды қамтуы, сондай-ақ, бәсекеге қабілеттілікті арттыруы әлемге деген көзқарасымыз бен қалыптасқан ұғымдарды өзгертеді. Өзінің ұлттық тепе-теңдігін білудің мәні зор. Осы орайда сіз, Президент мырза, мемлекеттің дамуына кедергі келтіретін, тамыры тереңге кеткен мәселелерден бас тарту керек екенін орынды еске саласыз», депті ол өзінің хатында.
Хатының соңында Шандор Ковач: «жас ұрпаққа негізделген сіздің жаңғыру жоспарыңыздың алға қойған мақсатына жетуіне тілектеспін. Әлемнің дамыған 30 елінің қатарынан көрініңіздер», деген ізгі тілегін білдіріпті.
