Адастырмас басты бағдар

Елі­міз тәу­ел­сіздік жылдары тама­ша та­быс­тарға қол жеткізді, халық­ара­лық бе­делді ұйымдар төрінен орын алды. Қазақстанды дүниежүзі мойындады. Бұл күнде Астанада өтіп жатқан ЭКСПО-2017 халықаралық көр­месі соның нақты дәлелі екені айдан анық. Қостанай облысы елі­міздің экономикалық және әлеу­меттік жағынан гүлде­нуі­не қомақты үлес қосып келе­ді. Қазақстанда өнді­ріл­ген алтын ас­тықтың төрттен бірін Қос­тан­ай облысы береді. Еліміз­де ұн өндіруден Қостанай облы­сы алдына қара салған жоқ, азық-түлік­тің басқа түрлерін өн­діруде де ол алдыңғы орындар­дан көрінеді. Кен өндіру, машина жасау, ауылшаруа­шылық өнімдерін өңдеу жөнінен де Қостанай индустриялық ай­мақ­тар қатарына қосылған. Тәу­ел­сіздік толайым табыстарымызбен де нығайып келеді. 

Конституция осындай бай да, бейбіт елде тұрып жатқан адам­дарға жақсы тұрудың және ба­қытты болашағымыздың бар­лық мүмкіндіктерін берді. Біз жас ұрпақтың келешегін ой­ласақ, Конституция берген мүм­кін­діктер мен кепілдіктердің қаді­ріне жетуіміз қажет. Өйткені уақыт, заман түрлі болуы ықтимал. Біз өмір сүріп отырған жаһандану үдерісі соны меңзейді. Тәуелсіздіктің елең-алаңында, еліміз басынан дағдарыс кезе­ңін өткізген кезеңде Елбасы Нұрсұлтан Назарбаев мемлекет үшін көптеген жауапкершілікті өз мойнына ала білді. Белес-белес қиындықтардан халқын аман алып шықты, тәуелсіз мем­лекеттің іргетасын қалады. Ен­ді жас ұрпақ Тәуелсіздіктің тұ­ғырын нықтау үшін рухани жаң­ғыру керек. 

«Болашаққа бағдар:рухани жаң­ғыру» бағдарламалық мақа­ла­сында Нұрсұлтан Әбішұлы оның бағыт-бағдарларын көр­сетіп берді. Осыған орай облыста жан сүйсінерлік жұмыстар бастау алды. Бүгінгі ұрпақ аталар салған ізді жоғалтпауы тиіс: ол – халқымыздың тілі, діні, дәс­түрі, тарихы. Конституция күні қарсаңында облыстың бар­лық шалғайында жүргізілген жұ­мыс­тар осыны бағдаршам етіп алғаны қуантады. Жастар өт­кіз­ген дөңгелек үстел, ұлт­тық ойындар, айтыстар, ұр­пақтар өкілдерінің кездесуі се­кілді түрлі шаралар жұрттың кө­ңі­ліндегіні дөп тапқандай бол­ды. Конституция берген ке­пілдіктерге берер жауап осылай болса керек-ті. 

Александра СУСЛОВА,
Қостанай облыстық Қазақстан халқы ассамблеясы қоғамдық келісім кеңесінің төрайымы