Өлкетанудың өрісі кең

Елбасы еліміздің әлемдегі ең да­мы­ған 30 елдің қатарына қосылу үшін жаңғыру процесінің ХХІ ғасыр­дағы ұлттық сана туралы және таяу жылдардағы екі нақты мақсат-міндеттерін айқын көрсетіп берді. Қазақстан халқын нақты мақсатқа жетелейтін осындай бағдарламалар ғана дамудың биік шыңдарын бағындырары сөзсіз. Елбасы прагматизм қанымызға сіңген көптеген дағдылар мен таптау­рын болған қасаң қағидаларды өз­герт­пейінше, біздің толыққанды жаң­ғыруымыз мүмкін емес екенін жан-жақ­ты ашып көрсетті. Яғни, прагма­тизм – өзіңнің ұлттық және жеке бай­лығыңды нақты білу, оны үнемді пайдаланып, болашағыңды соған сәйкес жоспарлай алу, ысырапшылдық пен астамшылыққа жол бермеу екенін мәлімдеді. 

Елбасы мақаласының «Білімнің сал­танат құруы» бөлімінде білімді, көзі ашық, көкірегі ояу болуға ұмтылу біздің қанымызда бар қасиет екенін баяндайды. Яғни, табысты болудың бас­ты факторы білім екенін әркім терең түсінуі керек. Себебі, құндылықтар жүйесінде білімді бәрінен биік қоятын ұлт қана табысқа жетеді. Бұл орайда, Елбасымыз жастарға, білім саласында еңбек ететін ұстаздарға үлкен жауапкершілік жүгін ғана емес, нық сенім де артып отыр. Яғни, өскелең жас ұрпақты ХХІ ғасырдың талаптарына сай даярлаудың қамы, үш тілде білім беру, өз Отаны, өз елі, өз жеріне деген сүйіспеншілікке тәрбиелеу – бүгінгі маманның басты міндеті. 
Мен үшін ұлттың, ұрпақтың                    па­т­­­­­­риот­­­тық рухын жаңғыртуда Елба­сы­ның «Туған жер», «Қазақ­станның киелі жерлерінің географиясы» атты бағдарламасының мәні өте зор. Өйткені, өлкетану жұмыстарын жан­дандырып, туған жерді түлету кешенді іс-шараның бірі деуге болады. Егер бұл бағдарлама әр облыста, ауданда, қалада, қала берді, ауылдық жерлерде де жүзеге асатын болса, бүкіл Қазақстан халқы үшін игі іс-шараның бірі болмақ. 

Мен өлкетану ғылымымен ұстаздық еткен жылдарымнан бері айналысып келемін. 17 жылдан аса атқарған ұстаздық еңбегімде балаға әр география сабағында өз өлкесін таныстырып оқыту келешек білімді жастардың өз туған жеріне деген сүйіспеншілігін арттырып қоймай, табиғат байлығына деген қамқорлығын да арттыратынын аңғардым. Ұстаздық қызметім біртіндеп ғылымға құштарлығы оян­ған оқушылармен бірігіп, зерттеу жұмыс­тарымен айналысуға ұласты. Ол зерттеу жұмыстары облыстық, республикалық ғылыми жобаларда жүлделі орындарға ие болды. 

Сол еңбектің, ізденістің соңы менің өз өлкеміздің география оқу құралы мен картасын шығаруыма итермеледі. Ол оқу құралы мен картасы 2002 жылдан бері Зайсан ауданының мектептерінде география пәніне қосымша құрал ретінде оқытылуда. Өз жерімнен көшіп, басқа қалаға қоныс аударсам да, менің өз жеріме деген сүйіспеншілігім арта түспесе, кеміген емес. Керісінше, ізде­ніске деген құштарлығым ояна түс­ті. Сондықтан өлкетану оқу құралын ке­шен­ді оқытуды жоспарлап, 2016 жылы Зайсан ауданының хрестоматиясын шығардым. Хрестоматияда Зайсан ауда­­нының алғаш құрылған уақытынан бастап, сол кездегі өндірістердің қа­лай жұмыс істегенін, қандай өнім­дер шығарылып, халық игілігіне жарағанын, ал бүгінгі жұмыс істеп жатқан өндірістердің қалай өркендеп, қандай бағытта дамып жатқанын ашып көрсетуге тырыстым. Енді алдағы уа­қытта жарыққа шығарсам деп жос­парлап жүрген «Зайсан ауданының физикалық экономикалық географиясын» мультимедиялық электронды оқу құралы ретінде шығаруға 3 жылдан бері видео-түсірілім дайындау үстіндемін. Жасалып жатқан мультимедиялық оқу құралы оқушының баруға қиын аймақтарын да өз көздерімен көріп, оқуына үлкен мүмкіндік берері сөзсіз. Әр атқарылатын істің өз қиындығы бар дегендей, Елбасының «Туған жер» бағдарламасының іске асуында кез­­десетін түрлі қиындық туғызатын жайлардың да орын алатынын көреген­дікпен жазғанына таңғалдым. Содан соң-ақ осы атқарып жүрген ісіме кедергі келтіретін қиындық атаулыны бірден жойып жібергендей сезімде болдым. 

Нұрсұлтан Әбішұлының «Туған жер» бағдарламасы жалпыұлттық патротизмнің нағыз өзегіне айналатын бағдарлама екені анық. Туған жерге деген сүйспеншілік өз еліңе деген патриоттық сезімге ұласпақ. Жергілікті нысандар мен елді мекендерге бағытталған «Туған жер» бағдарламасынан бөлек, біз халықтың санасына одан да маңыздырақ жал­пыұлттық қасиетті орындар ұғы­мын сіңіруге тиіспіз. Ол үшін «Қазақ­стан­ның киелі жерлерінің география­сы» жобасы керек деген үндеуін қолдай­тынымды және оның толығымен орындалуына бар күш-жігерімді салатынымды жеткізгім келеді. 

Күлзада ЫСҚАҚОВА

АЛМАТЫ