Атап айтқанда, таныс-тырылымда Сауд Арабиясы, Ливия, Оман, Литва, Ватикан, Палестина, Иран, Аустрия, Польша, Беларусь, Нидерланд, Түркия, Венгрия, Оңтүстік Корея, Ұлыбритания, Чехия, Үндістан, Ирак, Тәжікстан, Германия, Бразилия, Финляндия және Швеция елдерінің өкілдері болды.
«KAZAKH INVEST» ҰК» АҚ басқарма төрағасының орынбасары Нұрсұлтан Жиенбаев Қазақстандағы инвестициялық ахуалға кеңінен тоқталып, халықаралық Doing Business қаржылық корпорациясының рейтингі бойынша Қазақстан қазір бизнес жүргізудің жеңілдігі бойынша әлемнің 190 елінің арасында 35-ші орын алатынын айтты. Соның ішінде «Миноритарлық инвесторларды қорғау» бойынша 3-ші, «Контрактілердің орындалуын қамтамасыз ету» көрсеткіші бойынша 9-шы орында екені жеткізілді.
Шетелдік инвесторларға барлық аймақтарда «бір терезе» қағидатымен қызмет көрсетіледі, мемлекет тарапынан жасалатын қолдаулар көп, олардың арасында салықтық преференциялар да бар, деді ол өзінің сөзінде. Экономиканың шетелдік инвес-тиция құюға тартымды секторларының қатарында Н.Жиенбаев машина жасау, агроөнеркәсіп кешені, химия, инфрақұрылым, тау-кен, металлургия секторларын атады.
Таныстырылым аясында елшіліктердің өкілдері Н.Жиенбаевқа сауалдармен қатар ұсыныстарды да жасады. Мәселен, біздің елдерімізде ШОБ өкілдері де Қазақстанға келуге қызығушылық танытар еді, соларға арнайы жеңілдіктер ұсынсаңыздар дұрыс болар еді деген пікір де айтылды.
Кездесуді қатысушылар пайдалы болды деп бағалады.
Жақсыбай САМРАТ,
«Егемен Қазақстан»