Қамбадағы түйір дән – ел ырысы бұйырған

Еліміздің астықты өңір­лерін­де егін орағы бел ортасына жетті. Мәселен, астық дақылдары жө­ніндегі жаңалықтарды жүйелі жет­кізіп тұратын «ҚазақЗерно» ақпа­рат агенттігі сайтының осы апта­дағы мәліметі бойынша Қостанай об­лысында астықты алқаптардың 51 пайызы, Солтүстік Қазақстан об­лысында 50,2 пайызы бастырылса, Ақмола облысында бұл көрсеткіш 46,6 пайызға жеткен. 

Егемен Қазақстан
08.09.2017 16371

Ал Ауыл шаруашылығы ми­ни­стр­лі­гінің мәліметі бойынша, ос­ы егіс ал­қаптарынан әзірге 9 миллион 623,5 мың тонна ас­тық жиналған. Әр гектардың өнім­ді­лігі орта есеппен 12,7 центнерден айналған. Салыстыру үшін айта кетейік, өткен жылы дәл осы кезеңде астықты өңірлердегі егіс алқаптарынан 9 миллион 1,4 мың тоннаның өнімі алынған бо­латын.

Егер жағдайды таратып айтатын болсақ, 4 қыркүйек күні Қостанай облысында 2 мил­лион 116,3 мың гектардың асты­ғы орылған. Сөйтіп, астықты ал­қап­­тардың 50,5 пайызында өнім жи­нау жұмыстары жүзеге асқан. Сондай-ақ, майлы дақылдар егіс­тігінің 61,5 мың гектары немесе 18 пайызы жиналып алынған. Б­ұдан 2 миллион 267,6 мың тонна астық, 45 мың тонна күнбағыс дәні алынған. Облыстық ауыл ша­руашылығы басқармасының мәліметі бойынша, астықтың әр гектарының өнімділігі 10,7 центнерден, күнбағыстікі 7,3 центнерден айналған.

Айта кетерлік бір жағдай, би­ыл Қостанай облысындағы ау­ыл­шаруашылық дақылдары егіс­тігінің кө­лемі былтырғыдан 1,1 пайызға ұлғай­тылып, 5 миллион 197,1 мың гектарды құрап отыр. Мұның 80,7 пайызы астық және бұршақ дақылдары егістігіне, 12,3 пайызы мал азықтық да­қыл­дарға, 6,7 пайызы майлы да­қыл­дарға, 0,3 пайызы картоп пен кө­көніске және бақша дақыл­да­рына арналған.

Солтүстік Қазақстан облыс­ын­дағы жағ­дай да осыған ұқсас. 4 қыркүйек күні мұнда 1 миллион 695,9 мың гектардың өнімі орылды. Мұның 337,9 мың гектары – майлы дақылдар егістігі.

Жуықта еліміздің Ауыл ша­руа­шылығы министрлігі астықты сатып алу бағасын жариялады. Биылғы егін ору маусымында бидай бағасы оның сапасы мен жеткізу орнына байланыс­ты қалыптастырылды. Бұл ақ­па­рат астық бастырып жатқан ди­қан­да­рымыз үшін аса қажет болған соң келтіре кетейік.
Сөйтіп 1 тонна астық бағасы клей­­ко­винасы (қамырлылығы) мен протеиніне байланыс­ты тө­мен­дегідей мөлшерде анық­­тал­ды:

құрамында 23 пайыз клейковина және 12 пайыз протеині бар 3-сұрыптағы бидайдың тоннасы – 42000 теңге; құрамында 25 пайыз клейковина және 13 пайыз протеині бар 3-сұрыптағы бидайдың тоннасы – 45000 теңге; құрамында 27 пайыз клейковина және 14,5 пайыз протеині бар 3-сұрыптағы бидайдың тоннасы – 50000 теңге (54000 теңге – АҚО-да қапшықталған); құрамында 32 пайыз ұлпа жә­не 15 пайыз протеині бар 3-сұ­рыптағы би­дай­дың тоннасы – 60000 теңге (АҚО-да қап­шық­талған); құрамында 20 пайыз клейковина және 11 пайыз протеині бар 4-сұрыптағы би­дайдың тоннасы – 39000 теңге; құрамында 18 пайыз клейковина жә­не 9,5 пайыз протеині бар 4-сұрыптағы би­дайдың тоннасы – 37000 теңге; ал 5-сұрыптағы бидайдың тоннасы – 33000 теңге.

Сонымен қатар, 2-сұрыптағы арпа­ның жеткізу көлемі 1000 тоннаға дейін бол­са, 40000 теңгеге бағаланбақ, ал жеткі­зу көлемі 1000 тоннадан артық болса, тоннасының бағасы 41000 теңге­ге дейін арта түсетін болады. Бұл баға­лар­дың барлығында ҚҚС-ның қоса есепте­лін­ген­дігін айта кетсек артық болмас.

Еліміздің астықты өңірлерінде егін орағы қызу қарқын алған осы тұста ақ күрішімен аты шыққан Қызылорда облысының Қармақшы ауданында да осы өнімді жинау жұмыстары басталып кетті. Мұндағы биылғы жылдың бір ерек­­шелігі, егістіктің елеулі бөлігіне кү­ріш­­тің ирандық «Таром Хошими» сор­ты­­ның егілгендігінде болып отыр.

Аталған күріш сортын өсіріп отыр­ған Ақтөбе ауылындағы «Ақ­төбе и К» ЖШС егістік ал­қап­­тарында облыс әкімі Қырым­бек Көшербаевтың қатысуымен және атақты күрішші Социа­лис­­тік Еңбек Ері Сәлима Жұ­ма­бе­ков­аның ақ батасымен күріш бас­тыру жұмыстары салтанатты түр­де басталды. 

«Ақтөбе и К» ЖШС-ның кү­­ріш­тің ирандық сортын таң­дап алуында да өзіндік сыр бар екен. Облыс әкімдігі мен Иран елі­нің тиісті орындары өз ара ын­тымақтастық орнатуы нә­ти­­жесінде екі елдің күріш өсі­рушілері мен сатушылары өзара мәмілеге келген. Мұнда Ираннан жет­кізіліп, өсіріліп отырған «Таром Хошими» сортты күрішті ирандықтардың өздері сатып алмақ. Бұл ел жылына 3 миллион тоннаға жуық күріш тұтынса, соның үштен бір бөлігін сырттан сатып алады екен. Иран еліндегі күріш­тің орташа шығымдылығы гектарына 33-35 центнерден ай­налса, «Ақтөбе и К» ЖШС қол­данған жаңа технология­ның нә­тижесінде мұндағы 1510 гектар алқаптағы шығымды­лық гектарына 75 центнерден айналып отыр. Демек, екі елдің бірлескен әрекеті қызылордалық күрішшілер үшін пайдалы бола­тындығы анық. 

Сұңғат ӘЛІПБАЙ,
«Егемен Қазақстан»

СОҢҒЫ ЖАҢАЛЫҚТАР

20.07.2018

МҰЗ ҮСТІНДЕГІ ШОҚ ЖҰЛДЫЗ...(ДЕНИС ТЕНГЕ АРНАЛАДЫ)

20.07.2018

Қоғамдық даму вице-министрі тағайындалды

20.07.2018

Үкімет басшысы Бәсекеге қабілеттілік жөніндегі сараптама кеңесінің отырысын өткізді

20.07.2018

Шымбұлақта ІІІ Халықаралық тау және спорт фестивалі басталды

20.07.2018

Әлемдегі ең ауқатты командалар қайсы?

20.07.2018

Мектеп түлектері ауылдастарына ойын алаңын сыйға тартты

20.07.2018

Токио Олимпиадасының бағдарламасы бекітілді

20.07.2018

Астанада «Ұлы Дала рухы» фестивалі аясында іріктеу сындары жалғасады

20.07.2018

Елбасы Денис Теннің қазасын қатты күйзеліспен қабылдаған

20.07.2018

Семейде  «Күміс сиқыры» атты  көрме ашылды

20.07.2018

Бердібек Сапарбаев мәжіліс депутаттарымен кездесті

20.07.2018

Астанада қазақ күресінен Азия чемпионаты өтеді

20.07.2018

Елбасы Денис Теннің өліміне байланысты қылмысты бақылауда ұстауды тапсырды

20.07.2018

Шымкентте «Оңтүстік» арнайы экономикалық аймағын дамыту мәселелері талқыланды

20.07.2018

Денис Теннің өліміне қатысты екінші күдікті іздестіріліп жатыр

20.07.2018

Гомерден қалған мұра

20.07.2018

Көкшетауда көшпелі көрменің тұсаукесері өтті

20.07.2018

«Астана» – келесі кезеңде

20.07.2018

Астанада ертеңнен бастап жолақы 180 теңге болады

20.07.2018

Суға түскенде сақтық керек

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Атақ қымбат па, абырой қымбат па?

Бүгінде қандай жолмен келсе де атақ үшін есі кете, есерлене қимылд­ай­ты­ны­мыз­ды бәрі біледі. Айта­лық, жуырдағы бір мереке күндерінде орден сатылыпты. Бұл орденнің атауы қандай дерсіз – «Қазақстанның құрметті азаматы».

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу