Гендерлік саясат мәселесін талқылады

Мемлекеттік хатшы Гүлшара Әбдіқалықованың төрағалығымен ҚР Президенті жанындағы Әйелдер істері және отбасылық демографиялық саясат ұлттық комиссияның отырысы өтті. 

Егемен Қазақстан
26.09.2017 2368
2

Жиынды ашқан Мемлекеттік хатшы Қазақстанның үшінші жаңғыруды іске асыруға кірісіп кеткенін атап өтті. Бүгінгі таңда еліміздің барлық аймақтарында Елбасы белгілеп берген негізгі үш саланы – экономиканы, саясатты және қоғамдық сананы жаңғырту бойынша алға қойылған міндеттерді жүзеге асыру басталып кетті.

«Елбасы Н.Назарбаев экономикалық, саяси және рухани жаңғыру бағыттарында реформаларды бастап берді. Сонымен қатар, «ЭКСПО-2017» халықаралық көрмесі өтті. Осы шараның аясында «Әйелдер болашақ энергияны қолдайды» атты әлемдік форум болғаны өздеріңізге мәлім», – деген Г.Әбдіқалықова комиссия мүшелерінің шараны өткізу барысында атқарған жұмысына тоқталды.

Мемлекеттік хатшы рухани жаңғырудың озық үрдістерін іске асырудың маңыздылығына тоқталды. Оның айтуынша, азаматтардың бойында рухани құндылықтарды, бәсекеге қабілеттілікті, прагматизмді қалыптастыру, ұлттық ерекшелікті сақтау, білімге құштарлықты артыру ісінде отбасының, әсіресе, өскелең ұрпақты тәрбиелеп отырған әйелдердің басты рөл атқаратыны сөзсіз.

Отырыс барысында Г.Әбдіқалықова еліміздегі әйелдер қауымын Мемлекет басшысының «Болашаққа бағдар: рухани жаңғыру» атты мақаласында көрсетілген 6-шы бағытты ілгерілету үшін барынша күш жұмылдыруға шақырды.

Сонымен қатар, жиында Қазақстанның БҰҰ-ның 2030 жылға дейінгі Орнықты даму мақсаттарына қол жеткізу бағытында атқарылған жұмыстар жөнінде Сыртқы істер министрлігінің баяндамасы тыңдалды. Министрдің орынбасары Ержан Ашықбаевтың айтуынша, елімізде кез келген саладағы әйелдердің үлесін 40 пайызға жеткізу көзделген.

«2015 жылы БҰҰ-ның бас ассамблеясы кезінде ұйымға мүше елдердің бәрі 17 орнықты даму мақсатын бекіткен болатын. Соның бірі гендерлік саясатқа қатысты. Меженің басты мақсаты қоғамның жартысын құрайтын әйелдер қауымының мүмкіншіліктерін пайдалана отырып, тепе-теңдік сақтауға көңіл бөлу», – деді Е.Ашықбаев.

Жиында мемлекеттік қызметті жаңғырту және мансап тұрғысынан ілгерілеу барысында тең мүмкіндіктерді қамтамасыз ету жөніндегі мәселе қаралды. Мемлекеттік қызмет істері және сыбайлас жемқорлыққа қарсы іс-қимыл агенттігінің ақпаратына сәйкес, 2017 жылғы 1 қаңтардағы жағдай бойынша еліміздегі мемлекеттік қызметкерлердің арасында әйелдердің үлесі – 55,5 пайызды құрап отыр. Бұл – былтырғы көрсеткішке қарағанда 0,5 пайызға жоғары.

«Биылғы қаңтардан бастап 2030 жылға дейінгі отбасылық және гендерлік саясат тұжырымдамасын іске асыру басталып кетті. Соған сәйкес, бүгінгі комиссия отырысында мемлекеттік қызмет деңгейінде әйел жұмысшылардың пайыздық мөлшерін арттыру мәселесі қаралды. Басты бағыттардың бірі – мансаптық тұрғыдан көтерілуге мүмкіндік беру», – деді Мемлекеттік қызмет істері және сыбайлас жемқорлыққа қарсы іс-қимыл агенттігінің аппарат басшысы Саян Ахметжанов.

Аппарат басшысының деректеріне сүйенсек, 2016 жылы «Б» корпусындағы әкімшілік лауазымдарды иеленуге арналған конкурстарға қатысқан әйелдердің мөлшері 48 пайызды құраған. Жұмысқа алыну бойынша да нәзік жандылардың ара салмағы 48,5%-ға жетіпті. Былтыр басшылық қызметке тағайындалған әйелдердің үлесі 34,8 пайызға жетіп жығылған. С. Ахметжанов 2030 жылға дейін басшылық қызмет атқаратын әйелдердің ара салмағын 30 пайызға дейін көбейту жоспарланғанын айтады.

«Былтыр мемлекеттік қызметкерлер арасында аттестациядан өту жүргізілді. Сонда нәзік жанды азаматтардың құқықтарын қорғау мақсатында балалы, аяғы ауыр болуын және отбасылық жағдайына қарап кейбір әйелдерді еңбек құқықтарына сәйкес аттестациядан босатылды», –деген С.Ахметжанов келешекте әйелдердің отбасына көңіл бөлуіне мүмкіншілік беру мәселесі жоспарланып отырғанын айтады.

Бұдан бөлек, отырыста өмірде күрделі жағдайларға тап келген тұлғаларға қолдау көрсету жөніндегі «Отбасы орталығы» қоғамдық қорының жұмыс тәжірибесі таныстырылды.

Шығыс Қазақстан облысы әкімінің орынбасары Әсем Нүсіпованың сөзіне сүйенсек, аймақта гендерлік саясат мәселесі тиімді жолға қойылған.

«Облыста азаматтық қоғам мен мемлекеттік мекемелердің өзара байланысы аясында гендерлік саясат, әлеуметтік қорғау деңгейі төмен тұрғындарға көмек көрсету, жастарды қолдау және салауатты өмір салтын қалыптастыру мақсатында үкіметтік емес ұйымдармен белсене жұмыс істеп келеді. Былтыр ҮЕҰ-лармен 375 миллион теңге көлеміндегі қаржыға жоба жүргізсек, биыл 400 миллион теңге қаражат игерілді», – деді Ә.Нүсіпова.

Мемлекеттік хатшы жиын қорытындысы бойынша мемлекеттік мекемелерге бірқатар нақты тапсырмалар берді.

Айта кету керек, Гендерлік саясат «Ерлер мен әйелдердің тең құқықтарының және тең мүмкіндіктерінің мемлекеттік кепілдіктері туралы» және «Тұрмыстық зорлық-зомбылық профилактикасы туралы» заңдармен реттеледі. Былтыр Қазақстан Республикасында 2006-2016 жылдарға арналған Гендерлік теңдік стратегиясы сәтті іске асырылып, Қазақстан Республикасындағы 2030 жылға дейінгі отбасылық және гендерлік саясат тұжырымдамасы бекітілді.

Абай АСАНКЕЛДІҰЛЫ,

«Егемен Қазақстан»

СОҢҒЫ ЖАҢАЛЫҚТАР

23.03.2019

Асқар Мамин Талдықорғандағы құрылыс нысандарымен танысты

23.03.2019

Шекарашылар заң бұзушылардың жолын кесті

23.03.2019

Президент: Жастарға арналған кадрлық бағдарлама дайындалады

23.03.2019

Имидждік іс-шараларды азайту қажет – Қ.Тоқаев

23.03.2019

Қасым-Жомарт Тоқаев Шымкент қаласының даму жоспарымен танысты

23.03.2019

Шымкентте жаңа медициналық орталық ашылды

23.03.2019

The Star: Назарбаев елде тұрақтылық пен келісім орната білді

23.03.2019

Астаналық балалар «Мұзбалақ» фильмін тегін көре алады

23.03.2019

Премьер-Министр «Қорғас — Шығыс қақпасы» арнайы экономикалық аймағын аралады

23.03.2019

Президент алғашқы сапарын неліктен Түркістаннан бастағанын түсіндірді

23.03.2019

Мемлекет басшысы Шымкенттегі «Азала текстиль» фабрикасын аралады

23.03.2019

Полицейлер Петропавл тұрғындары үшін наурыз көже мен бауырсақ әзірледі

23.03.2019

Шекарашылар бірнеше заң бұзушылықтың алдын алды

23.03.2019

Қасым-Жомарт Тоқаев Шымкент қаласының әкімшілік-іскерлік орталығына барды

23.03.2019

Мемлекеттік шекараны бұзып өтпек болған адам ұсталды

23.03.2019

Анар Жайылғанова:  Астананың атауын өзгерту процедурасы заңға сай жүргізіліп жатыр

23.03.2019

Атырау халқы ерлікпен қаза тапқан полицейді соңғы сапарға шығарып салды

23.03.2019

Қасым-Жомарт Тоқаев жұмыс сапарымен Шымкентке барды

23.03.2019

Димаш әлем жұртшылығын аузына қаратты

23.03.2019

Павлодарда үздік ұлттық киімдер анықталды

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Пікір қосу