Президент • 03 Қазан, 2017

Мемлекет басшысының төрағалығымен Қауіпсіздік кеңесінің отырысы өтті

190 рет
көрсетілді
1 мин
оқу үшін

Жиында қауіпсіздікті қамтамасыз ету саласындағы жаһандық факторларды қамтитын өзекті мәселелер, сондай-ақ табиғи және техногендік сипаттағы төтенше жағдайларға қарсы тұру барысында қолданылатын күштер мен құралдардың қазіргі ахуалы талқыланды. Бұл туралы akorda.kz хабарлады.

Мемлекет басшысының төрағалығымен Қауіпсіздік кеңесінің отырысы өтті

– Біз бүгін еліміздің барлық күштерін түрлі төтенше жағдайларға қарсы тұруға және жұмылдыруға дайындығын талқылайтын боламыз. Сонымен қатар, Қазақстанның Қауіпсіздік кеңесінің рөлі мен мәртебесін одан әрі арттыру жөніндегі мәселелер қарастырылады, – деді Нұрсұлтан Назарбаев.

Кеңесте Елбасы «ЭКСПО-2017» халықаралық көрмесін өткізу барысында қауіпсіздікті ойдағыдай қамтамасыз еткені үшін құқық қорғау және арнаулы органдардың қызметкерлеріне алғыс айтты.

Жиын қорытындысы бойынша Қазақстан Президенті бірқатар нақты тапсырма берді.