Күрес • 08 Қазан, 2017

Дзюдошы Жансай Смағұлов Ташкентте чемпион атанды

286 рет
көрсетілді
1 мин
оқу үшін

Қазақстандық дзюдошы Жансай Смағұлов Ташкентте өткен дзюдодан Гран-при кезеңінде чемпион атанды, деп хабарлайды sports.kz.

Дзюдошы Жансай Смағұлов Ташкентте чемпион атанды

Әлемдік Гран-придің екінші күні Жансай Смағұлов Ауғанстан спортшысы Ришад Ариармудты жеңіп жартылай финалға өтті. Өзбек спортшысы Мирзохид Фармановты ұтқан ол ақтық сында жергілікті дзюдошы Гиесжан Бобоевтан басым түсіп алтын медальға ие болды.

Айта кетейік, Ташкентте дзюдодан Гран-при 6-8 қазан аралығында өтуде. Осы кезеңде Өзбекстан астанасына әлемнің 27 елінен 183 спортшы жиналды.