Кәсіпорынға көмір «Шұбаркөл көмір» АҚ-тан тасылып жатыр. Көмір тиеген көліктер күніне бірнеше рет жолға шығады. Әр зейнеткерге 2,5 тонна көмір түсіріп береді. Ал зейнеткерлерден басқа, облыс орталығында пешпен жылытылатын жер үйлерде тұратын кәсіпорынның жүзден аса жұмысшы-қызметкерлері көмірді өзіндік құнымен сатып алады.
– Бізге көмірді осылай сатып алған тиімді, – дейді кәсіпорын жұмысшысы Бейсембай Ақжолов. – 5 тонна көмір жеткілікті. Шұбаркөлдің көмірінің күлі аз және қызуды ұзақ сақтайтыны да белгілі. Мен тұратын көшеде 14 үй бар, олардың бәрі көмір бағасының төмендеуін күтіп отыр. Ал біз көмір жеткізіп бергені үшін зауытымызға рахмет айтамыз.
Кәсіпорынның әлеуметтік мәселелер жөніндегі вице-президенті Бегзия Ысқақованың айтуынша, зауыт басшылығы өз жұмысшыларына, зейнеткерлеріне көмек көрсетуде. Қыс кезінде көмірмен қамтамасыз ету бір реттік қана шара емес, бұл шара – кәсіпорынның ұжымдық шартымен бекітілген кепілдік.
Фарида БЫҚАЙ,
«Егемен Қазақстан»
Павлодар
Суретті түсірген
Виктория МАШКАРИНА
