Еуропалық «Астана»!

Футбол клубтары арасындағы УЕФА-ның рейтингіне көз салыңызшы. 72 қатардан «Астананы» табасыз. Бұл межені қазақстандық клубтардың арасында бірінші болып бағындырған «Астана». Бір аттаса Мәскеудің «Динамосын», екі аттаса ағылшындардың «Эвертонын» қуып жететін әлеуеті бар.

Егемен Қазақстан
03.11.2017 4850

«Астана» Еурокубок ойындарында өз алаңында 17 матч бойы мүлдем ұтылмапты. 17 матчтың тоғызын жеңіп, сегізімен тең түсіпті. Мадридтен «Атлетико» келіп гол соға алмай кетіпті, Лиссабоннан «Бенфика» келіп бір ұпай арқалап қайтыпты. Осыдан 5 жыл бұрын мұндай дүние ертегідей естілетін, бүгін міне шындыққа айналды. Бірақ, «Астананы» өз үйінде ғана азу көрсетіп, жыраққа шықса құйрығын басып қаша жөнелетін қорқауға теңегендер көп болды. Статистика да соны меңзейді, 17 ойында тек Юрмаланың «Спартагын» ұтыпты. Енді міне, Тель-Авивтің «Маккабиін» ұтып, тарихи жеңіске қол жеткізді. Тарихи дейтін себебіміз, «Астана» Еуропада алғаш рет бір команданы үйде де, түзде де ұтып отыр. Топтық кезеңдегі ойында алғаш рет түзде гол жіберген жоқ. Мұндай жетістік болмаған. Романтика!

Эмоцияны қойып, нақты әңгімеге көшсек. Бүгінгі футбол эстетикадан алшақтап барады, нақты нәтижені мақсат тұтатын прагматикалық ойын салтанат құрды. Бұл тек «Астананың» ғана емес, әлемдік футбол клубтарының ойын философиясына айналды. Қорғану да өнер, ал қорғанып жүріп гол соғу – футболдағы ең биік өнер. Осыдан бірер күн бұрын «Тоттенхэм» өз алаңында билеп төстемей-ақ «Реалды» жеңді, үстемдік құрмай-ақ үш ұпайын алды. Ең басты құндылық – нәтиже. «Астананың» ойыны да сүйсініп қарайтындай, телміріп тамашалайтындай, шебер пас шығарып, жылдам доп алмасып, алаңда үстемдік құрып, қарсыластың қақпасына топырлатып гол соғатын, позициялық шабуыл жасауда ешкімге дес бермейтін эстетикалық деңгейдегі ойын емес. Станимир Стойлов қорғанысқа көп көңіл бөледі, ойын тактикасы қорғаныстың негізінде құрылған. Ортадан допты тартып алған жағдайда желмен жарысатын Твумаси, Томасов секілді желаяқ ойыншылар, гол соғатын Кабананга дейтін бомбардир бар. Әрине, бұл «Астананың» ішкі біріншіліктегі ойындарына қатысы жоқ. Бірақ, Еуропаға басқаша бейімделі мүмкін емес.

Астана қатарынан үшінші жыл Еурокубок ойындарының топтық кезеңінде ойнап келеді. Жыл сайын ілгерілеу бар. Әр қателіктен сабақ алады, әрбір матчтан тәжірибе жинайды. Кешегі ойын соны көрсетті.

Мәселен, 2015-2016 жылғы маусымда Чемпиондар лигасының топтық кезеңінде «Атлетико» (Мадрид), "Бенфика" (Лиссабон), "Галатасарай" (Стамбұл) сияқты азулы командалармен бір топқа түсті. 5 гол соғып, 11 гол (топтағы ең төмен көрсеткіш) жіберді. Бірде-бір матчты жеңе алмай, төрт ойында тең түсті.

2016-2017 жыл. Еуропа лигасының В тобында «Янг Бойз» (Берн), АПОЭЛ (Никосия) және «Олимпиакоспен» (Пирей) секілді командалармен жолы түйісті. Бұл топта бір ойында жеңіске жетіп (АПОЭЛ 2-1), екі ойында тең түсті. Тағы да 5 гол соғып, 11 гол жіберді.

Енді міне, Еуропа лигасының А тобында «Вильярреал», «Славия» (Прага), "Маккаби" (Тель-Авив) секілді футбол ұжымдарымен плей-офф кезеңіне шығу үшін үлкен талас болып жатыр. Бар-жоғы 4 тур өткізді, бірақ 7 гол соғып үлгерді («Вильярреалмен» бірдей көрсеткіш). 2 ойынды ұтып, бір тең ойынға қол жеткізді. Әлі үйде испандармен, түзде чехиялықтармен доп тебеді. Демек, 7 ұпай ақырғы меже емес. «Астана» тағы бір тарихи межені бағындыруға бет алды. «Астананың» Еуропадағы жорығы жаңа жылдан кейін де жалғасады деген үміт басым.

Стойлов осы маусымды сәтті аяқтағаннан кейін командаға жоғары деңгейде ойнайтын орталық қорғаушылар шақыруға себеп бар. Кеше орталық қорғаныста ойнаған Постников пен Малый әлі де болса Логвиненко мен Аничичті тең дәрежеде алмастыра алатын ойыншылар емес екенін дәлелдеді. Әсіресе, Малыйдың кешегі ойынына дақ түсірмей, Постниковты сыннан аман алып қалған қақпашы Ненад Эрич болды. Дәл қазір «Астана» Еурокубоктағы ойындардан 20 млн. еуро көлемінде пайда түсірді. Команданың Еуропаға жорығы жалғаса берсе, түсетін қаржы көлемі де ұлғаятыны сөзсіз. Бүгінгі футбол осы, қоржыныңды ұпаймен ғана емес, қаржылай да толтыруға болады. Мұндай олжа қазақстандық клубтар үшін екі есе жеңіс.

Жандос БАЙДІЛДА,

журналист

СОҢҒЫ ЖАҢАЛЫҚТАР

20.07.2018

МҰЗ ҮСТІНДЕГІ ШОҚ ЖҰЛДЫЗ...(ДЕНИС ТЕНГЕ АРНАЛАДЫ)

20.07.2018

Қоғамдық даму вице-министрі тағайындалды

20.07.2018

Үкімет басшысы Бәсекеге қабілеттілік жөніндегі сараптама кеңесінің отырысын өткізді

20.07.2018

Шымбұлақта ІІІ Халықаралық тау және спорт фестивалі басталды

20.07.2018

Әлемдегі ең ауқатты командалар қайсы?

20.07.2018

Мектеп түлектері ауылдастарына ойын алаңын сыйға тартты

20.07.2018

Токио Олимпиадасының бағдарламасы бекітілді

20.07.2018

Астанада «Ұлы Дала рухы» фестивалі аясында іріктеу сындары жалғасады

20.07.2018

Елбасы Денис Теннің қазасын қатты күйзеліспен қабылдаған

20.07.2018

Семейде  «Күміс сиқыры» атты  көрме ашылды

20.07.2018

Бердібек Сапарбаев мәжіліс депутаттарымен кездесті

20.07.2018

Астанада қазақ күресінен Азия чемпионаты өтеді

20.07.2018

Елбасы Денис Теннің өліміне байланысты қылмысты бақылауда ұстауды тапсырды

20.07.2018

Шымкентте «Оңтүстік» арнайы экономикалық аймағын дамыту мәселелері талқыланды

20.07.2018

Денис Теннің өліміне қатысты екінші күдікті іздестіріліп жатыр

20.07.2018

Гомерден қалған мұра

20.07.2018

Көкшетауда көшпелі көрменің тұсаукесері өтті

20.07.2018

«Астана» – келесі кезеңде

20.07.2018

Астанада ертеңнен бастап жолақы 180 теңге болады

20.07.2018

Суға түскенде сақтық керек

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Атақ қымбат па, абырой қымбат па?

Бүгінде қандай жолмен келсе де атақ үшін есі кете, есерлене қимылд­ай­ты­ны­мыз­ды бәрі біледі. Айта­лық, жуырдағы бір мереке күндерінде орден сатылыпты. Бұл орденнің атауы қандай дерсіз – «Қазақстанның құрметті азаматы».

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу