Жазғы спорт • 04 Желтоқсан, 2017

Көркем гимнастикадан «Жаса Отаным-2017» чемпионаты мәреге жетті

136 реткөрсетілді

Жақында «Достық» спорт кеше­нін­де көркем гимнастикадан «Жаса Отаным-2017» чемпионаты мәреге жетті. Биыл екінші рет ұйымдастырылған турнирде Қазақстанның бірнеше қалалары мен шетелдерден келген мыңнан астам спортшы бақ сынады.

Турнирге тұңғыш рет Ресейдің танымал спортшысы, Рио-де-Жанейрода өткен Олимпиаданың күміс жүлдегері, бес дүр­кін Еуропа чемпионы Яна Кудрявцева келді. Сондай-ақ Яна Алма­тыда жас гим­нас­шыларға шеберлік дәрістерін өткізді.

Турнирдің ашылу салтанатында спорт басқармасының басшылары сөз алып, бұл күндері қалада көркем гимнастика ғана емес, жалпы гимнастиканы дамытуға көп күш салынып жатқанын атады.

– Турнирге талантты жеткіншектер қатысып отыр. Өте қуаныштымыз. Өзге елдерден келген қатысушыларға және де ұйымдастырушыларға алғыс білдіремін. Біз әрқашанда осы спорт түрін қолдаймыз, алдағы уақытта өз чемпиондарымызды көреміз деген үміттемін, – деді Алматы қаласы Дене шынықтыру және спорт басқармасының басшысы Әбіл Дөңбаев. 

Өз кезегінде, танымал Ресей спортшысы Яна Кудрявцева жарысқа арнайы қонақ ретінде шақырылғанына алғыс айтып, ізгі тілектерін білдірді. 
Жарыста Қытай, Қырғызстан және Қазақстан қалаларынан келген 3 жастан бастап 16 жасқа дейінгі қыздар өнер көрсетті. Жеңімпаздар мен жүлде­герлерге бағалы сыйлықтар мен медальдар жиынтығы табысталды. 

– Осындай ауқымды чемпионат өткізуді 2013 жылы өзіміздің көркем гим­­настика мектебін ашқан кезде жос­пар­лаған едік. Біз үшін бұл өте айтулы шара. Бірінші турнирді былтыр өткіз­­дік. Қатысушылар саны көбе­йіп келе­ді. Қазір көркем гимнастика елі­мізде ілге­рілей бастады, – дейді ұйым­да­стырушы Мәдина Үркімбаева. 

Сонымен биыл 14 жастағы жасөспі­рімдер арасындағы 1-орынды алматылық Анастасия Касаткина, 13 жастағы гим­нас­шы­лар арасындағы 1-орынды Қазақстан ұлттық құрамасының мүшесі Сабина Кикимова, 12 жастағылар арасындағы 1-орынды павлодарлық Айдана Мәмжан жеңіп алды.

Айнаш ЕСАЛИ,
«Егемен Қазақстан»

АЛМАТЫ

Баннер
Соңғы жаңалықтар

«Жас жалын» топ жарды

Спорт • Бүгін, 09:59

Қапастағы қолөнер

Аймақтар • Бүгін, 09:55

Турнирдің финалына шықты

Спорт • Бүгін, 09:49

Халық алдында есеп берді

Қоғам • Бүгін, 09:45

Тұңғыш рет топ жарды

Спорт • Бүгін, 09:40

Қаламгерлерді қуантты

Руханият • Бүгін, 09:37

Қарсыластардың осалы жоқ

Қысқы спорт • Бүгін, 09:29

Ерлік есеппен жасалмайды

Қоғам • Бүгін, 09:27

Жазғы универсиада мәреге жетті

Аймақтар • Бүгін, 09:18

Ортақ міндет – Отанға адал қызмет

Қазақстан • Бүгін, 09:15

«Құланнан» өрген құлындар

Аймақтар • Бүгін, 09:14

1 жылдағы белестер

Қазақстан • Бүгін, 08:48

Түркістанның түлеуі

Аймақтар • Бүгін, 08:45

Шектен шыққан шиеленіс

Әлем • Бүгін, 08:33

Ұқсас жаңалықтар