Қаржы • 21 Желтоқсан, 2017

Сауда ұйымын жаңа сындарға сай болуға шақырды

78 реткөрсетілді

Дүниежүзілік сауда ұйымы (ДСҰ) Министрлер конференциясының Буэнос-Айресте (Аргентина) өткен пленарлық отырысында қазақстандық делегацияның басшысы, еліміздің Женевадағы БҰҰ бөлімшесінің және басқа да халықаралық ұйым­дар жанындағы тұрақты өкілі, елші Жанар Айт­жанова Президент Нұрсұлтан Назарбаевтың басшылығымен жүргізіліп отырған саясатқа сәйкес, еліміздің жаһандық саудаға одан әрі интеграциялануды ұстанатынын атап өтті.

Бұдан бұрын Найробиде өткен Министрлер конференциясында Қазақстан экспорттық бәсекелестік туралы тарихи шешім қабылданғанын қолдап, қазіргі таңда оның ДСҰ-ға мүше елдер тарапынан уақтылы жүзеге асыры­латынына үміт артқан болатын. Тұрақты өкіл бұл мәсе­ле Қазақстан үшін үлкен қызығушылық тудыратынын жет­кізді. Өйткені ДСҰ-ға қосылу барысында еліміздің теңіз­ге шығу мүмкіндігі жоқ екеніне қарамастан, Қазақстан экс­порт­тық субсидиялардан бас тартуға мәжбүр болды. Осы орай­да Қазақстан басқа елдерді ДСҰ-ның жаңа мүшелеріне қа­тысты біркелкі бәсекелестік алаңын құруға шақырады.

Ж.Айтжанова Доха раунды шеңберіндегі ұзаққа созылып кеткен сауда келіссөздері бойынша консенсустың болмауына қарамастан, ДСҰ-ға мүше елдер қазіргі сындарға жауап іздеуді бастау қажеттігін басып айтты. Бұл тез өзгеретін экономикалы ортада ерекше маңызға ие болып отыр, өйткені электронды сауда, инвестицияларға қолдау көрсету, шағын және орта кәсiпорындардың халықаралық саудаға интеграциялануы, сондай-ақ ашықтыққа қойылатын талаптарды күшейту сияқты жаңа тақырыптар бойынша талқылауларды кейінге қалдыру қазіргі қалыптасып отырған жағдайда ДСҰ-ны нақтылығы мен өзектілігі төмен ұйымға айналуына әкелуі мүмкін. Қазақстандық дипломат еліміздің қызмет көрсету саласында ішкі реттеу ережелерін әзірлеу бойынша көпжақты келіссөздердің қайта басталуын құптайтынын да сөз етті. Бұл Қазақстанның ұлттық экономикалық мүдделеріне толық сәйкес келеді.

Сонымен қатар отандық делегация басшысы қазіргі таңда Қазақстан экономикасының барлық салаларын және әлеуметтік өмірдің әртүрлі аспектілерін қамтитын цифрландыру бағдарламасын жүзеге асырып жатқанын хабарлады. Осыған байланысты біздің ел ДСҰ-ның электронды сауданы дамыту үшін ашық, кемсітпейтін және болжамды ғаламдық ережелерді ілгерілетудегі маңызды рөлін мойындайды.

Министрлер конференциясы ДСҰ-ның екі жылда бір мәрте өткізілетін жоғары басқарушы органы болып табылады. Оның құзыретіне министрлердің Ұйым қызметінің басым бағыттары бойынша шешімдер қабылдау кіреді. Әдетте конференцияның негізгі мақсаты ДСҰ-ға мүше елдердің халықаралық сауданың жаңа реттеуші нормалары мен ережелері бойынша келісімдерге қол жеткізу, сондай-ақ ұйымның болашақ жұмысының жалпы бағытын келісу болып табылады.

«Егемен-ақпарат»
 

Баннер
Соңғы жаңалықтар

Тойтөбеге  саяхат 

Аймақтар • Кеше

Ай соңына дейін жұмысын аяқтайды

Аймақтар • 19 Шілде, 2019

Арыс балалары Бөбекте демалады

Аймақтар • 19 Шілде, 2019

Қарсыласы қарымды

Кәсіпқой бокс • 19 Шілде, 2019

Полицей сәбиді құтқарып қалды

Аймақтар • 19 Шілде, 2019

Тандыр наннан шеге шықты

Аймақтар • 19 Шілде, 2019

Аптап ыстықта өрт көбеюі мүмкін

Аймақтар • 19 Шілде, 2019

Игі істің игілігін көруде

Аймақтар • 19 Шілде, 2019

«Жәрдем» жобасының жәрдемі

Аймақтар • 19 Шілде, 2019

Әкімдерге бағаны халық беруі керек

Қазақстан • 19 Шілде, 2019

Жер құнарын жақсарту қажет

Қазақстан • 19 Шілде, 2019

«Jastar kerýeni» жолға шығады

Аймақтар • 19 Шілде, 2019

Жаңа мүмкіндіктерге жол ашады

Қазақстан • 19 Шілде, 2019

Ұқсас жаңалықтар