Аймақтар • 21 Желтоқсан, 2017

Жаңаөзенге жаңа әкім тағайындалды

602 рет
көрсетілді
1 мин
оқу үшін

Бүгін Маңғыстау облысының әкімі Ералы Тоғжанов Жаңаөзен қаласының тұрғындарына жаңа әкімді таныстырды. Қалалық мәслихаттың шешімімен шаһар басшысы болып Дауылбаев Әділбек тағайындалды. Әділбек Құлынтайұлы бұған дейін Маңғыстау облысы Қарақия ауданының әкімі қызметін атқарған.

Жаңаөзенге жаңа әкім тағайындалды

Ал, Жаңаөзен қаласының бұрыңғы әкімі Елубай Әбілов денсаулығына байланысты өз еркімен лауазымын босатты.

Дауылбаев Әділбек Құлынтайұлы 1964 жылы Маңғыстау облысы, Таушық ауылында туылған. 1988 жылы өнеркәсіптік-азаматтық құрылыс мамандығы бойынша Алматы қаласының  құрылыс техникумын тәмамдаған. 2004 жылы М.Тынышбаев атындағы Казақ Көлік  және коммуникация академиясы, біліктілігі - инженер-құрылысшы.Еңбек жолын 1981 жылы Маңғыстау ауданы Шетпе селосында  Маңғыстау тұрғын-ұй пайдалану басқармасының жұмысшысы болып бастаған.

2001-2002 жылдары Маңғыстау облыстық мемлекеттік сәулет-құрылыс инспекциясының директорының орынбасары, 2002-2004 жылдары Сәулет-құрылыс бақылау және лицензиялау аумақтық басқармасының жетекші маманы, 2005-2006 жылдары жетекші маман, бас маман, бөлім басшысы, Маңғыстау облысының  мемлекеттік сәулет-құрылыс бақылау басқармасы бастығының міндетін атқарушы болып қызмет еткен ол 2006-2009 жылдары Маңғыстау облысының  мемлекеттік сәулет-құрылыс бақылау басқармасының бастығы, 2009 жылдың шілде айынан бастап Қарақия ауданының әкімі лауазымын атқарды.

 Гүлайым ШЫНТЕМІРҚЫЗЫ,

«Егемен Қазақстан».

Маңғыстау облысы