Ресми Бішкек шекаралық сауданы дамыта отырып, Қытай тауарларын Қазақстан нарығына қайта экспорттау арқылы экономикалық әлеуетін арттырып, сауда-экономикалық әріптестікті нығайтуға бейілді.
Сондай-ақ Қазақстан да көрші елдің шағын және орта бизнес өнімдерін кең көлемде тұтыну нарығына ие. Осы орайда, Қазақстан тарапынан қолайлы жағдайлар жасалып, тиімді ұсыныстар түссе, отандық бизнеске Қырғызстан экономикасының қатысу үлесі артуы мүмкін.
Сонымен қатар мемлекеттер басшыларының бұл кездесуінің саяси салмағы да жоғары. Өйткені, ертеректегі бейресми келісімдердің барлығы да осы жолы талапқа сай деңгейде қол қойылып, бекітілді. Негізгі сөз екіжақты сауда-экономикалық әріптестікті дамыту мен мемлекеттік шекаралық қызметтің жұмысын жетілдіру ауанында өрбіді. Оған қоса, бұрынырақта қол қойылған «Жол картасының» жүзеге асырылуына оң қабақ байқалды.
Оразғали СЕЛЬТЕЕВ,
Қазақстан Республикасы Тұңғыш Президенті – Елбасы Қоры жанындағы әлемдік экономика және саясат институтының жетекші сарапшысы
