Күн сайын алада 74 нәресте дүниеге келеді. Ағымдағы жылдың 10 айында Астанада 23 830 бала дүниеге келді, ол өткен жылдан 922 балаға артық.
Сондай-ақ негізгі медициналық-демографиялық көрсеткіштердің жетістігі бар. Өмір сүру сапасы мен медициналық қызметтің жақсаруымен бірге, астаналықтардың өмір сүру жасы жыл сайын ұлғайып келеді. Өткен жылдың қорытындысы бойынша ол - 75,4 жасты құрады.
Тұтас алғанда денсаулық сақтау саласы күн сайын әлеуетін күшейтіп келеді: жаңа медициналық ұйымдар салынып, қолданыстағылары жаңартудан өткізіліп жатыр. 2015-2016 жылдары қалада бірқатар жаңа нысандар: қалалық жедел-жәрдем стансасы, балалар инфекциялық ауруханасы, наркология және психотерапия орталығы, №12 қалалық емхана салынды. Бұлардың барлығы заманауи медициналық құрал-жабдықтармен қамтылған.
